नांदेड ः कोरोनामुळे सर्वच क्षेत्र कमी अधिक प्रमाणात विस्कळीत झाले आहे. त्यास शिक्षणक्षेत्र देखील अपवाद राहिले नाही. त्यामुळे यंदा प्रवेश आणि परिक्षा शुल्कामध्ये सवलत दिली जावी, अशी पालकांची व विविध शिक्षण संघटनेकडून मागणी होत आहे. शिक्षण संस्थांनी देखील नवीन शक्कल लढवत प्रवेश शुल्कात सवलत दिल्याचे दाखवत अनुदानीत अभ्यासक्रमाचे प्रवेश पूर्ण झाल्याचे सांगुन विना अनुदानीत अभ्यास क्रमास प्रवेश घ्यावा लागेल, अशी अट घालताना दिसत आहे.
सध्या कोरोनाच्या पार्श्वभूमीवर शाळा, महाविद्यालयांचे प्रवेश हे आॅनलाईन सुरु आहेत. अनुदानित अभ्यासक्रमासाठी ७०० ते ८०० रुपयात प्रवेश मिळतो. तर विना अनुदानित अभ्यासक्रमास प्रवेश घेण्यासाठी विद्यार्थ्यांना आठ ते १० हजार रुपये मोजावे लागतात. मात्र मोठ्या प्रमाणावर शुल्क वसुल करण्यासाठी महाविद्यालय प्रशासनाने प्रवेश घेण्यासाठी आलेल्या विद्यार्थ्यांना अनुदानित अभ्यासक्रमासाठीचे प्रवेश फुल्ल झाले आहेत. प्रवेश घ्यावयाचाच असेलतर, विनाअनुदानित अभ्यासक्रमासाठी घ्यावा, असे सांगितले जात आहे.
विना अनुदानित अभ्यासक्रम प्रवेश फीस मध्ये सवलत
त्यामुळे विद्यार्थ्यांसह पालकांना नाईलाजाने जास्तीचे शुल्क भरून विनाअनुदानित अभ्यासक्रमासाठी प्रवेश घ्यावा लागत आहे. परिणामी पालकांना आर्थिक फटका बसत आहे. विद्यार्थ्यांची गरज लक्षात घेऊन महाविद्यालय प्रशासनाने अधिकचे शुल्क वसुल करण्यासाठी नामी शक्कल लढवली. प्रवेश शुल्कात जुजबी कपात व प्रवेश शुल्क भरण्यासाठी दोन ते तीन हप्त्यांची सवलत दिली जात असल्याचा दयाळुपणा दाखवला जात असल्याचा प्रकार सर्रासपणे होत आहे.
हेही वाचा- चौदा वर्षानंतर जिल्ह्यातून चिकनगुनिया हद्दपार! आरोग्य यंत्रणेचा अहवाल; रुग्णांचे प्रमाण झाले कमी
प्रवेशावरुन विद्यार्थी नाराज
दहावी - बारावी उत्तीर्ण विद्यार्थ्यांनी आॅनलाईन प्रवेश अर्ज केले आहेत. आॅनलाईन प्रवेश अर्जाची मुळ प्रत प्रवेशापूर्वी फीस भरुन ती प्रत महाविद्यालयात जमा करणे बंधनकारक असते. प्रवेश निश्चित झाल्याने आनंदाच्या भरात परिक्षा शुल्क भरण्यासाठी गेलेल्या विद्यार्थ्यांना मात्र वेगळाच अनुभव येत आहे. महाविद्यालयाच्या या मनमानी कारभाराकडे कुणाचेही लक्ष राहिलेले नाही. त्यामुळे चांगले गुण घेऊन देखील नामांकित महाविद्यालयात मनासारख्या शाखेला प्रवेश मिळत नसल्याचे काही विद्यार्थी व पालकांनी सांगितले. यामुळे विद्यार्थी दुखावले जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.