बरबडा (नांदेड) : कुंटुर पोलिस स्टेशन (Kuntur Police Station) अंतर्गत मौजे कुष्णुर एम आय डी सी  शिवारात यांच्या टिनशेडमध्ये चालत आलेली जुगारची गुप्त माहिती मिळाली. त्या माहितीच्या आधारे कुंटुर येथील पोलिस निरीक्षक करिम खान पठाण व उपनिरीक्षक दिनेश येवले यांच्या मार्गदर्शनाखाली संपूर्ण पोलिस टिम ला घेऊन जुगार अड्ड्यावर छापा टाकला. (kultur police raided a gambling den in krushnur MIDC shivar)

सदर छापामध्ये 25 व्यक्तीसह, 3 कार (फोरविलर), 8 मोटारसायकलीसह, अंदाजे 15 लाख रुपयांच्यावर मुद्दे मालकासह अटक करण्यात आले. कुंटुर पोलिस स्टेशन अंतर्गत सोमठाणा शिवारात चार जुगार खेळणाऱ्या चार दिवसाखाली नांदेड एल सी बी पथकाने पकडले होते. कुष्णुर एम आय डी सी परिसरात अनेक ठिकाणी जुगार अड्डे चालले जातात. मात्र बिट प्रमुख यांच्या आशीर्वादाने सदर प्रकरण उघडकीस आले नव्हते. मात्र नांदेड एल सी बी पथकाने कुंटुर पोलिस ठाणे हद्दीतील जुगारावर धाडी टाकल्या आहेत. कुष्णुर बिट प्रमुख यांचे त्या बिटवर लक्षच नसल्यामुळे सदर अवैध धंदे सुरू असल्याचे नागरीकातून चर्चा आहे.

कुंटुर पोलिस स्टेशन अंतर्गत सर्वात मोठा जुगारावर छापा टाकला असल्याची जोरदार चर्चा परिसरात सुरू आहे. कुंटुर पोलिस यांच्या बेधडक कारवाईमुळे, अनेक लोकांचे संसार उद्धवस्त होण्यापासून वाचवले असल्याचे महिला वर्गातून ऐकावयास मिळत आहे. जुगार खेळणाऱ्यात काही प्रतीशती नागरिक व कर्मचारी वर्ग, उच्च प्रभु लोकांचा सहभाग असल्याचे दिसून येत आहे. कुष्णुर बिट अंतर्गत नांदेड ते हैदराबाद हायवे रस्त्यावर धाबे, हॉटेलमध्ये, पानटपरी, अवैध देशी, विदेशी दारू, गुठखा, जुगार, अवैध वाळू वाहतूक, लाकूड तस्करी आहे. तसेच अवैध धंदे सुरू असल्याचे नागरिकांतुन सांगितले जात आहे. (kultur police raided a gambling den in krushnur MIDC shivar)