नांदेड: सासरच्या मंडळींनी छळ केल्याने एका विवाहितेने विष प्राशन करून आत्महत्या केली तसेच जिल्ह्यात विवाहितेच्या छळाच्या दोन घटना घडल्या असून सासरच्या मंडळीविरूद्ध संबंधित पोलिस ठाण्यात गुन्हा दाखल करण्यात आला आहे. वाळकी बाजार (ता. हदगाव) येथील जयश्री काशीनाथ पोपलवाड (वय ३२) या विवाहितेला सासरची मंडळी शारिरिक व मानसिक त्रास देत होती. ट्रॅक्टरचे पैसे देण्यासाठी माहेराहून पैसे आण म्हणून तिचा छळ करण्यात येत होता. शेवटी या त्रासाला कंटाळून तिने विष प्राशन केले.

तिला उपचारासाठी नांदेडच्या खासगी रुग्णालयात दाखल करण्यात आले. मात्र, उपचार सुरू असताना तिचा मृत्यू झाला. याबाबत अशोक लक्ष्मण दामनवाड (वय ५२, रा. जवळा खुर्द, तानूर, जि. निर्मल, तेलंगणा) यांनी दिलेल्या फिर्यादीवरून हदगाव पोलिस ठाण्यात गुन्हा दाखल करण्यात आला आहे. पुढील तपास फौजदार विठुबोने करत आहेत.

शहरालगत असलेल्या वाजेगाव आणि खोजा कॉलनी इस्लामपूर, निजामाबाद येथे २२ वर्षीय महिलेला संगनमत करून सासरची मंडळी शारिरिक व मानसिक त्रास देत होती. हॉटेल सुरू करण्यासाठी माहेराहून दोन लाख रुपये घेऊन ये, म्हणून तिला शिवागीळ करून मारहाण करण्यात आली.