मालेगाव (जिल्हा नांदेड) : अचानक आलेल्या पुरात बैलगाडीसह सालगडी वाहून गेला. मात्र या घटनेत सालगड्याला पोहता येत असल्याने तो वाचला. मात्र दोन्ही बैल मृत्यूमुखी पडले. ही घटना शुक्रवारी (ता. १८) सकाळी उमरी (ता. अर्धापूर) शिवारात घडली. यात शेतकऱ्याचे जवळपास एक लाखाचे नुकसान झाले.
उमरी (ता. अर्धापूर) येथील शेतकरी संगमनाथ गवळी यांच्या शेतातील जनावरांसाठी चारा आणण्यासाठी सकाळी सातच्या दरम्यान त्यांचा सालगडी भानुप्रसाद दरणे (वय ४५) हे शेताकडे बैलगाडी घेऊन निघाले. शेताकडे जाताना रस्त्यावरील एका मोठ्या नाल्याला रात्रभर पडलेल्या पावसाने मोठा पूर आला होता. या पुराचे पाणी वेगात वाहत असल्याचे सालगड्याच्या लक्षात आले नाही. त्यांनी आपली बैलगाडी या नाल्यातून काढण्याचा प्रयत्न केला. मात्र वाहत्या पाण्यात बैलगाडीसह सालगडीही वाहून गेला होता.
दोन्ही बैलांचा पाण्यात बुडून दुर्दैवी मृत्यू
मात्र सालगडी भानुप्रसाद दरणे यांना पोहता येत असल्याने त्यांनी कसाबसा स्वतः चा जीव वाचवला पण दोन्ही बैलांना जीव वाचवु शकला नाही. वाहून गेलेला एक बैल पुलापासून काही अंतरावर गावकऱ्यांना सापडला. तर दुसरा बैल परिसरातील गणपुर (ता. अर्धापूर) परिसरात मृतावस्थेत सापडला. सालगड्याच्या एका चुकीमुळे शेतकऱ्याचे तरणेबांड दोन बैल वाहून गेले. शेतकरी श्री. गवळी यांचे जवळपास एक लाखाचे नुकसान झाले.
ग्रामस्थांच्या उपस्थितीत पंचनामा
सदर घटनेची माहिती मिळताच अर्धापूर तहसिल कार्यालयाचे मंडळाधिकारी प्रफुल खंडागळे, तलाठी लक्ष्मण देशमुख, पशुवैद्यकीय अधिकारी विवेकानंद पोलावाड आणि पोलिसांनी घटनास्थळ गाठले. त्यांनी घटनास्थळाची पाहणी केली व ग्रामस्थांच्या उपस्थितीत पंचनामा केला. यावेळी या दुर्दैवी घटनेमुळे शेतकऱ्यांमधून हळहळ व्यक्त होत आहे. बैलाविषयी हळहळ व्यक्त होत आहे.
येथे क्लिक करा - Video- हिंगोली : कुरुंदा येथ़ील नदीला पूर, अनेक घरात पाणी शिरले
फळबागांचेही मोठ्या प्रमाणात नुकसान
मालेगाव परिसरात मागील आठवडाभरापासून मोठ्या प्रमाणात पाऊस झाल्याने परिसरातील विहिरी, तलाव, नदी- नाले तुडुंब भरून वाहत आहेत. त्यातच शेतातील उभी असलेली पिके उध्वस्त झाली असल्याने शेतकरी हवालदिल झाला आहे. सोयाबीनला मोड आलेले आहेत तर वादळी वाऱ्यामुळे ऊस भुईसपाट झाला आहे. या पावसामुळे फळबागांचेही मोठ्या प्रमाणात नुकसान झाले.
संपादन - प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.