नांदेड : ब्राह्मण समाजाबद्दल विनाकारण अपशब्द वापरणारे शेतकरी आंदोलनातील राकेश टिकैत यांचा अखिल भारतीय ब्राह्मण महासंघाचे कार्याध्यक्ष तथा युवा नेते निखिल लातूरकर यांनी निषेध केला आहे. एवढेच नाही तर भविष्यात ब्राह्मण समाजाबद्दल कुणीही गरळ ओकण्याचा प्रयत्न केला तर ते खपवून घेतले जाणार नाही, असा सज्जड इशाराही श्री. लातूरकर यांनी दिला आहे.

ब्राह्मण समाजाला गाय व्याल्यानंतर त्याचे पहिले दूध ब्राह्मणांना देतो. ते त्यांनी आम्हाला परत करावे, ब्राह्मणांना मंदिरातून काढून टाकावे, असे बिनबुडाचे वक्तव्य शेतकरी आंदोलनात करण्यात आले आहे. ब्राह्मण समाज शेतकरी आंदोलनाच्या विरोधात नाही. तसेच ब्राह्मण समाजाला भाजप किंवा काँग्रेस अथवा अन्य कोणत्याही पक्षाशी काही देणेघेणे नाही. शेतकरी आंदोलनाचे आम्ही समर्थक असल्याचे लातूरकर यांनी सांगितले आहे.

हेही वाचा - नांदेड : नागरिकांनी खात्री करूनच मालमत्ता कर भरावा- प्रवीण साले -

केवळ राकेश टिकैत यांनी संबंध ब्राम्हण समाजाबद्दल आक्षेपार्ह वक्तव्य करुन तमाम ब्राम्हण समाजाच्या भावना दुखावल्या आहेत. त्यामुळे आमचा केवळ राकेश टिकैत यांचा निषेध करीत आहोत असे लातूरकर यांनी म्हंटले आहे. राकेश टिकैत यांनी दिलेली दान दक्षिणा आम्ही त्यांना धनादेशाच्या स्वरुपात परत करणार असून दुधाचा टँकरसुद्धा पाठविण्यात येईल. असे लातूरकर यांनी सांगितले आहे. राकेश टीकैत असो की इतर कोणीही ब्राह्मण समाजबद्दल टीका सहन केल्या जाणार नाही. टिकाकारांना त्यांच्याच भाषेत उत्तर देण्यात येईल असा इशाराही लातूरकर यांनी दिला आहे.