नांदेड : जिल्ह्यात सोमवारी (ता.२३) प्राप्त झालेल्या एक हजार २२८ अहवालांपैकी एक अहवाल कोरोनाबाधित (Corona) आला आहे. जिल्ह्यात आजवर एकूण बाधितांची संख्या ९० हजार ७२२ एवढी झाली असून यातील ८८ हजार २३ रुग्णांना रुग्णालयातून सुट्टी देण्यात आलेली आहे. आजच्या घडीला ३८ रुग्ण उपचार घेत असून ३ बाधितांची प्रकृती अतिगंभीर आहे. जिल्ह्यात आतापर्यंत बाधित मृत रुग्णांची संख्या दोन हजार ६६१ एवढी आहे. आजच्या बाधितामध्ये अँटिजेन तपासणीद्वारे नांदेड ग्रामीणमध्ये (Nanded) एक बाधित आढळला. सोमवारी जिल्ह्यातील पाच कोरोना बाधितांना औषधोपचारानंतर सुट्टी देण्यात आलेली आहे. यात शासकीय वैद्यकिय महाविद्यालय विष्णुपुरी - दोन, हिमायतनगर (Himayatnagar) - एक, मनपाअंतर्गत (Nanded Municipal Corporation) एनआरआय भवन गृहविलगीकरण - दोन व्यक्तीला रुग्णालयातून सुट्टी देण्यात आली. सोमवारी ३८ कोरोनाबाधित रुग्णांवर औषधोपचार सुरु आहेत.

यात शासकीय वैद्यकीय महाविद्यालय विष्णुपुरी- दहा, देगलूर -एक, नांदेड मनपा अंतर्गत गृह विलगीकरण २४, नांदेड जिल्ह्यातील तालुक्यांतर्गत गृह विलगीकरण- तीन व्यक्ती उपचार घेत आहेत. सोमवारी सायंकाळपर्यंत विष्णुपुरीच्या शासकीय वैद्यकीय महाविद्यालयात-१२४, श्री गुरु गोविंदसिंघ स्मारक जिल्हा शासकीय रुग्णालयात -१४५ खाटा उपलब्ध आहेत.

कोरोना मीटर

एकूण पॉझिटिव्ह - ९० हजार ७२२

एकूण कोरोनामुक्त - ८८ हजार २३

एकूण मृत्यू - दोन हजार ६६१

सोमवारी पॉझिटिव्ह - एक

सोमवारी कोरोनामुक्त - पाच

सोमवारी मृत्यू - शुन्य

रुग्णालयात उपचार सुरु - ३८

अतिगंभीर रुग्ण - तीन