नांदेड : जिल्ह्यात मंगळवारी (ता. २१) प्राप्त झालेल्या ६३७ अहवालापैकी एकजण कोरोनाबाधित आला आहे. दिवसभरात दोन कोरोनाबाधितांना औषधोपचारानंतर सुटी देण्यात आली. मंगळवार घडीला २४ रुग्ण उपचार घेत असून चार बाधितांची प्रकृती अतिगंभीर आहे. उपचारानंतर बाधित रुग्ण बरे होण्याचे प्रमाण ९७.३ टक्के इतके आहे. जिल्ह्यात एकुण बाधितांची संख्या ९० हजार ३०७ झाली असून त्यातील ८७ हजार ६३२ रुग्णांना रुग्णालयातून सुटी देण्यात आली आहे. जिल्ह्यात आतापर्यंत बाधित मृत रुग्णांची संख्या दोन हजार ६५१ आहे. मंगळवारी बाधितामध्ये आरटीपीसीआर तपासणीद्वारे नांदेड महापालिका हद्दीत एक बाधित आढळला. सध्या २४ रुग्णांवर औषधोपचार सुरु आहेत.

यात शासकीय वैद्यकीय महाविद्यालय विष्णुपुरीला आठ, नांदेड महापालिका अंतर्गत गृह विलगीकरणात ११, नांदेड जिल्ह्यातील तालुक्यांतर्गत गृह विलगीकरण चार, खासगी रुग्णालयात एक व्यक्ती उपचार घेत आहे.

नांदेड कोरोना मीटर
एकुण स्वॅब- ७ लाख २६ हजार ५२५
एकुण निगेटिव्ह - ६ लाख ३३ हजार २०५
एकुण बाधित - ९० हजार ३०७
एकूण बरे - ८७ हजार ६३२
एकुण मृत्यू - २ हजार ६५१
मंगळवारी बाधित - एक
मंगळवारी बरे - दोन
मंगळवारी मृत्यू - शून्य
उपचार सुरू - २४
अतिगंभीर प्रकृती - चार