नांदेड : दिल्लीत सुरु असलेल्या शेतकरी आंदोलनाबाबत केंद्रीय राज्यमंत्री रावसाहेब दानवें यांनी वादग्रस्त वक्तव्य केले. याचे पडसाद नांदेड शहरात उमटले असून जिल्हा शिवसेनेच्या वतीने शहराच्या आयटीआय चौक येथे श्री. दानवे यांच्या वक्तव्याचा निषेध करण्यात आला. यावेळी शिवसेना जिल्हाप्रमुख दत्ता पाटील कोकाटे, उमेश मुंडे आमदार बालाजी कल्याणकर यांची प्रमुख उपस्थिती होती.

केंद्र सरकारने तीन कायदे पारित केले असून हे कायदे रद्द करण्यात यावे या मागणीसाठी शेतकरी गेल्या 17 दिवसापासून आंदोलन करित आहेत. या शेतक-यांच्या आंदोलनाबद्दल वादग्रस्त वक्तव्य करुन शेतक-यांच्या भावना दुखविल्या आहेत. शहरातील आयटीआय चौकात दानवें यांच्या पुतळा जाळण्याचा प्रयत्न केला. तसेच त्यांच्या प्रतिमेश चप्पल- बुटानी मारहाण करुन निषेध केला.

हेही वाचा -  खळबळजनक घटना : नांदेडच्या दोन तुरुंगाधिकाऱ्यांसह शिपाई निलंबीत- अधीक्षकांना शिवीगाळ करणे पडले महागात

शेतकरी आपल्या हक्कासाठी लढत आसतांना केंद्रातील एका जबाबदार नेत्याने अन्नदात्याबाबत बेजबाबदारपणे वक्तव्य न शोभनारे आहे. याबाबत त्यांनी देशातील तमाम शेतक-यांची माफी मागावी असे शिवसेनेच्या वतीने करण्यात आली. तसेच पेट्रोल, डिझेलची दरवाढ व तिन्ही कायदे त्वरीत मागे घेण्यात यावीत आशी मागणी करण्यात आली. 

यावेळी जिल्हाप्रमुख दत्ता पाटील कोकाटे, उमेश मुंडे, आमदार बालाजी कल्याणकर, शहरप्रमुख सचीन किसवे, प्रकाश मारावार, अशोक उमरेकर, मोज भंडारी, बालासाहेब देशमुख, जयंत कदम, दयाल गिरी, बालाजी सुनपे, राजू गोरे, गौरव कोडगिरे, शाम बन, नवनाथ काकडे, महेश खेडकर, नवज्योतसिंग गाडीवाले, नितीन सरोदे, महिला आघाडीच्या डाॅ. निकीता चव्हाण, निकीता शहापूरवाड आदींची उपस्थिती होती.