नांदेड - कोरोनाबाधित रुग्णांवर उपचार सुरु असलेल्या गंभीर रुग्णांची संख्या कमी झाल्याने जिल्ह्यातील मृत्यूचा दर घटला आहे. शुक्रवारी (ता. आठ) प्राप्त झालेल्या ९२४ स्वॅब अहवालापैकी ८७७ निगेटिव्ह तर ४६ जणांचे अहवाल पॉझिटिव्ह आले आहेत. तर तीन दिवसानंतर जिल्ह्यातील एका कोरोनाबाधित रुग्णाचा उपचारादरम्यान मृत्यू झाला आहे. 

शुक्रवारी दिवसभरात जिल्हा शासकीय रुग्णालयात पाच, महापालिकेंतर्गत एनआरआय भवन, गृहविलगीकरणात असलेले - १७, नायगाव - चार, देगलूर - चार, मुखेड - एक, लोहा - दोन व खासगी रुग्णालयातील सात असे ४० रुग्ण औषधोपचाराने बरे झाल्याने त्यांना रुग्णालयातुन घरी सोडण्यात आले. आतापर्यंत उपचार घेऊन २० हजार ६३८ रुग्ण घरी परतले आहेत.

हेही वाचा- साडे चौदा कोटी प्रकरणी ‘आयडीबीआय’ बॅंकेला तीन दिवसांची मुदत - ओमप्रकाश पोकर्णा ​

जिल्हाभरातील आतापर्यंत ५७७ बाधितांचा मृत्यू 

विष्णुपुरी येथील डॉ. शंकरराव चव्हाण शासकीय रुग्णालयात उपचार सुरु असलेल्या कोरोनाबाधित गंभीर रुग्णांपैकी शुक्रवारी कंधार तालुक्यातील हाडोळी येथील पुरुष (वय ६५) यांचा उपचारादरम्यान मृत्यू झाला. जिल्हाभरातील आतापर्यंत ५७७ बाधितांचा मृत्यू झाला आहे. 

हेही वाचा- Video- नांदेडमध्ये कोरोना लसीकरणाचा ड्राय रन ​

 ३९५ संशयित स्वॅब अहवालाची तपासणी सुरु 

नांदेड वाघाळा महापालिका क्षेत्रात - २५, नांदेड ग्रामीण - चार, मुखेड - चार, लोहा - दोन, नायगाव - एक, माहूर - एक, अर्धापूर - पाच, परभणी दोन, हिंगोली दोन असे २२ जणांचे अहवाल कोरोना पॉझिटिव्ह आले आहेत. जिल्ह्यातील कोरोनाबाधित रुग्णांची संख्या २१ हजार ७७२ इतकी झाली आहे. सध्या ३५६ कोरोनाबाधित रुग्णांवर उपचार सुरु आहेत. त्यामधील आठ कोरोना बाधित रुग्णांची प्रकृती गंभीर स्वरुपाची आहे. शुक्रवारी रात्री उशिरापर्यंत ३९५ संशयित स्वॅब अहवालाची तपासणी सुरु होती. 

नांदेड कोरोना मीटर 

एकूण पॉझिटिव्ह - २१ हजार ७७२ 
एकूण बरे - २० हजार ६३८ 
एकूण मृत्यू - ५७७ 
शुक्रवारी पॉझिटिव्ह - ४६ 
शुक्रवारी बरे - ४० 
शुक्रवारी मृत्यू - एक 
उपचार सुरु - ३५६ 
गंभीर रुग्ण - आठ 
स्वॅब तपासणी सुरु - ३९५