नांदेड जिल्हा शासकीय वैद्यकीय रुग्णालयातल्या गेल्या २४ तासांत २४ रुग्णांचा मृत्यू झाला असून यात 12 नवजात बालकांचा समावेश आहे. यावर आता विविध स्तरावरून प्रतिक्रिया येत आहेत.

घडलेल्या घटनेविषयी ट्विट करत काँग्रेस नेते खासदार राहुल गांधी यांनी प्रतिक्रिया दिली आहे. यावेळी त्यांनी भाजप सरकारवर निशाणा साधला आहे. भाजपच्या नजरेत गरिबांच्या जीवाला किंमत नाही असे राहुल गांधी म्हणाले आहेत.

ट्विटमध्ये राहुल गांधी म्हणाले आहेत कि, महाराष्ट्रा राज्यातील नांदेडच्या शासकीय रुग्णालयात औषधांच्या कमतरतेमुळे 12 नवजात बालकांसह 24 जणांचा मृत्यू झाल्याची बातमी अत्यंत दुःखद आहे. मी सर्व शोकग्रस्त कुटुंबांप्रती माझ्या संवेदना व्यक्त करतो.

भाजप सरकार प्रसिद्धीसाठी हजारो कोटी रुपये खर्च करत आहे मात्र मुलांच्या औषधांसाठी त्यांच्याकडे पैसे नाहीत? भाजपच्या नजरेत गरिबांच्या जीवाची किंमत नाहीये.

मुख्यमंत्री एकनाथ शिंदे यांनी यावर प्रतिक्रिया देतांना म्हटले आहे कि, नांदेडमधील ही घटना अत्यंत दुर्भाग्यपूर्ण आहे. प्रकरणाची माहीती घेतली जाईल. दोषींवर कठोर कारवाई करण्यात येईल.