मुदखेड (जिल्हा नांदेड) : मुदखेड तालुक्यातील रोहीपिंपळगाव (Mudkhed Tohipimpalgaon) येथे कायदा व सुव्यवस्था ( Law and order) मोडीत काढण्याच्या ज्या दोन घटना नुकत्याच झाल्या त्या अनुचित नाहीत कायदेशीर बाबी समोर आल्यानंतर संबंधितांविरुद्ध पोलिस ठाण्यात गुन्हे दाखल करुन दोनही घटनेतील आरोपींना अटक करण्यात आलेली आहे. कायदा व सुव्यवस्था मोडीत काढणाऱ्या कुणाचीही गय केली जाणार नाही. त्यामुळे वर्तमान परिस्थितीत कोरोना- १९ (Recent covid situation) चे भान ठेवून रोहिपिंपळगावाात सामाजिक शांतता, कायदा व सुव्यवस्था कायम राखण्याचे आवाहन जिल्हा पोलिस अधीक्षक प्रमोदकुमार शेवाळे यांनी रोहिपिंपळगाव येथे गुरुवारी (ता. सहा) बोलताना केले. Nanded: Maintain social peace in Rohipimpalgaon- Pramod Kumar Shewale

यावेळी नांदेडचे जिल्हाधिकारी डॉ. विपिन ईटणकर यांची प्रमुख उपस्थिती होती. काही दिवसापूर्वी रोहीपिंपळगावात काही शुल्लक कारणावरून दोन समाजात तेढ निर्माण झाले होते. गृह व महसूल प्रशासनाकडून गावात शांतता कायम राखण्यासाठी मुदखेडचे तहसीलदार दिनेश झांपले, पोलिस निरीक्षक महेश शर्माही सतत प्रयत्नशील आहेत. घटनेचे गांभीर्य लक्षात घेता रोहिपिंपळगाव येथे वरिष्ठ पोलिस अधिकाऱ्यांच्या मार्गदर्शनाखाली पोलिस निरीक्षक शर्मा यांनी पोलिसांची कुमक वाढवून फिक्स पॉईंट येथे लावण्यात आले आहेत.

हेही वाचा - विधायक बातमी : श्री गोवर्धन गोसेवा प्रकल्पामार्फत शांतीधाम गोवर्धनघाटला १० हजार गोवर्‍यांचे दान

ता. २० एप्रिल रोजी विद्युत डीपीची घटना व ता. २७ एप्रिल रोजी ॲट्रॉसिटी दाखल झालेला गुन्हा या दोन कारणावरुन रोहिपिंपळगाव हे चांगलेच चर्चेत आले आहे. विकास समाजावरील बहिष्काराची बाबही चर्चिल्या गेली. त्यानंतर सदर प्रकरण ऑन दी स्पॉट घेण्याच्या अनुषंगाने ता. सहा मे रोजी दुपारी रोहिपिंपळगावला जिल्हाधिकारी डॉ. विपिन ईटणकर व जिल्हा पोलिस अधीक्षक प्रमोदकुमार शेवाळे यांनी भेट देऊन. गावातील दोन्ही समाजातील नागरिकांशी संवाद साधला व शांततेचे आवाहन केले जिल्हाधिकारी डॉ. विपिन ईटणकर यांनी देखील आपले गाव असल्यामुळे आपसात वाद न करता गावपातळीवर सामंजस्य व शांतता ठेवण्याची साद आपल्या भेटीदरम्यान रोहिपिंपळगाव वासियांना घातली.

अन्यथा कायदेशीर कारवाई करा- शेवाळे

सोशल मीडियावर किंवा प्रत्यक्ष रोहिपिंपळगावाला गावाबाहेरील व्यक्ती भेट देऊन दोन समाजात जातीय द्वेषभावना निर्माण करणारे वक्तव्य करून रोहिपिंपळगावात जर सामाजिक शांतता बिघडविण्याचा प्रयत्न करीत असतील तर त्यांच्यावर देखील कायदेशीर कारवाई करण्याच्या सूचना आपल्या रोहिपिंपळगाव भेटीदरम्यान जिल्हा पोलीस अधीक्षक प्रमोदकुमार शेवाळे यांनी मुदखेड पोलिसांना केली. यावेळी आर्धापुर ग्रामीणचे उपविभागीय पोलिस अधिकारी बाळासाहेब देशमुख, तहसीलदार दिनेश झांपले, पोलीस निरीक्षक महेश शर्मा, सहाय्यक पोलीस निरीक्षक राजेश वटाणे यांची उपस्थिती होती.

संपादन- प्रल्हाद कांबळे