नांदेड : जिल्ह्यात रविवारी (ता.१९) प्राप्त ५३२ अहवालापैकी ५३१ अहवाल निगेटिव्ह आले असून दिवसभरात एकही अहवाल पॉझिटिव्ह (corona positive report)आला नाही. दिवसभरात तीन रुग्ण बरे झाल्याने त्यांना रुग्णालयातून सुटी देण्यात आली. आजच्या घडीला २३ रुग्णांवर उपचार सुरु असून दोन बाधितांची प्रकृती अतिगंभीर आहे.

जिल्ह्यात आजवर एकूण बाधितांची संख्या ९० हजार ५२८ एवढी झाली असून यातील ८७ हजार ८५० रुग्णांना रुग्णालयातून सुटी देण्यात आली आहे. जिल्ह्यात आतापर्यंत बाधित मृत रुग्णांची संख्या दोन हजार ६५५ एवढी कायम आहे. नांदेड महापालिकेंतर्गत गृहविलगीकरणातील तीन रुग्ण बरे झाल्याने त्यांना रुग्णालयातून सुटी देण्यात आली आहे. सध्या २३ कोरोनाबाधित रुग्णांवर औषधोपचार सुरु आहेत. यात नांदेड महापालिकातंर्गत गृह विलगीकरणात १७, नांदेड जिल्ह्यातील तालुक्यांतर्गत गृह विलगीकरणातील तीन तर खासगी रुग्णालयात तीन जणांचा समावेश आहे.