उमरी (जिल्हा नांदेड)  : उमरी शहरातील महिंद्रा रुरल हाऊसिंग फायनान्स कंपनीकडे बनावट नमूना क्रमांक आठ सादर करुन बनावट सही व शिक्का वापरुन कंपनीची १३ लाख १२ हजार ४८५ रुपयांची फसवणूक करण्यात आली आहे. या प्रकरणात उमरी पोलिस ठाण्यात १९ जणांविरुद्ध गुन्हा नोंदविण्यात आला आहे.

उमरी येथील महिंद्रा रुरल हाऊसिंग फायनान्स कंपनीकडे कर्ज मिळविण्यासाठी जामगाव (ता. उमरी ) काही जणांनी अर्ज केला होता. या अर्जासोबत बनावट नमुना क्रमांक आठ जोडला होता. त्यावर सचिवांची स्वाक्षरी आणि खोटे शिक्के मारण्यात आले होते. दुय्यम निबंधक कार्यालयात गहाण खत तयार करून त्याद्वारे १९ जणांनी तब्बल १३ लाख १२ हजार ४८५ रुपये कर्ज घएतले. पंरुत नंतरच्या काळात फायनांसच्या तापसणीत दाखल केलेल सर्व कागदपत्र हे बनावट असल्याचे उघडकीस आले. सर्व कर्जदारांनी कंपनीची फसवणूक केली प्रथमदर्शनी तपासात समोर आले आहे. यामध्ये वाढ होण्याची शक्यता आहे.

हेही वाचा - परभणी : मुंबईच्या डाॅक्टर महिलेला सोने देण्याच्या बहाण्याने आठ लाखास लूटले, सेलू येथील घटना

या प्रकरणात कंपनीचे व्यवस्थआपक मिलिंद सेलूकर यांनी पोलिस ठाण्यात दिलेल्या तक्रारीवरुन बाबुराव सोनकांबळे, अनुसया बोईनवाड, नागोराव जाधव, मनोज सावंत, जनार्दन जिरेवार, ज्ञानेश्वर घाडेलवार,सावित्रीबाई जिरेवार, वनिता जिरेवार, राजश्री घाडेलवार नंदाबाई अक्कमवाड, प्रतिभा अनपवाड, ज्ञानेश्वर पारुबाई जाधव, ज्ञानेशअवर जिनेवाड, पुंडलिक मेकलवाड, द्रुपदाबाई सोनकांबळे, सागरबाई सोनकांबळे सर्व राहणार जामगाव तालुका उमरी यांच्या विरोधात फसवणुकीचा गुन्हा दाखल झाला आहे. या प्रकरणाचा तपास सहाय्यक पोलिस निरीक्षक श्री. शेवाळे करीत आहेत दरम्यान बनावट शिक्के वापरुन फसवणूक केल्याचा प्रकार यामुळे परिसरात खळबळ उडाली आहे.

संपादन - प्रल्हाद कांबळे