नांदेड : बहिणीला पळवून नेल्याचा राग मनात धरून तिच्या प्रियकरावर सख्या भावाने धारदार शस्त्राने वार करुन त्याचा खून केला. ही घटना ता. तीन डिसेंबर रोजी मुखेड शहराच्या शनिदेव मंदिराच्या पाठीमागे असलेल्या माळरानावर घडली. मुखेड पोलिसांनी आरोपीला अटक केली आहे. 

याबाबत अधिक माहिती अशी की, सय्यद सलीम सय्यद फकीर (वय २०) वर्षे याने आरोपी सय्यद शादुल्ला सय्यद युसुफ (वय २१) रा. भोकर किनवट रोड नांदेड याच्या बहिणीचे प्रेमसंबंध जुळले होते. ते एकमेकांच्या संमतीने पळून गेले होते. त्याचाच राग मनात धरुन तिचा भाऊ सय्यद शादुल याने ता. तीन डिसेंबर रोजी सायंकाळी आठ वाजता सय्यद सलीम सय्यद फकीर हे दोघेजण नात्यातील असल्याने दारु पिण्यासाठी मुखेड शहराच्या शनिदेव मंदिराच्या बाजूस गेले. दारु पिल्यानंतर शादुल्ला याने सय्यद सलीम याचा खून केला. यानंतर पोलिसात गुन्हा दाखल होताच सय्यद शादुल यास पोलिस निरीक्षक नामदेव रिठ्ठे यांनी अटक केली. त्याला न्यायालयासमोर हजर केले असता न्यायालयाने ता. सात डिसेंबरपर्यंत पोलिस कोठडीत रवानगी केली आहे. तपास उपविभागीय पोलिस अधिकारी रमेश सरवदे यांच्या मार्गदर्शनाखाली पोलिस निरीक्षक नामदेव रिठे करत आहेत.

हेही वाचा -  नांदेड : जि. प. ऑनलाईन स्थायी समितीच्या बैठकीस दांडी मारणार्‍या अधिकार्‍यावर कारवाई करणार -

पहिली असताना दुसऱ्यांदा बोहल्यावर गुन्हा दाखल

वडापावचा गाडा टाकण्यासाठी माहेराहून २५ हजाराची मागणी करुन दुसरा विवाह करणाऱ्या पतीविरुद्ध अर्धापूर पोलिस ठाण्यात गुन्हा दाखल करण्यात आला आहे. अर्धापूर शहरातील समतानगर येथील विवाहितेच्या फिर्यादीवरुन पती शैलेश सिकंदर, सासु जनाबाई कीर्तन, सासरा भीमराव किर्तन, ज्ञानसागर कीर्तन यांच्याविरुद्ध अर्धापूर पोलीस ठाण्यात सासरच्या मंडळीविरुद्ध गुन्हा दाखल करण्यात आला आहे.