ॲटोसाठी विवाहितेचा छळ
नांदेड : शहरातील विमानतळ पोलिस ठाण्यांतर्गत येणाऱ्या अहिल्याबाई होळकर चौक, गोविंदनगर नांदेड येथे आरोपींनी संगनमत करून २३ वर्षीय फिर्यादी महिलेस सन २०१८ ते ता. एक जानेवारी २०१९ या दरम्यान ॲटो घेण्यासाठी माहेरुन एंशी हजार रुपये घेऊन ये म्हणून शारीरिक तसेच मानसिक छळ केला. तसेच उपाशी ठेवून थापड- बुक्क्यांनी मारहाण करत जीवे मारण्याची धमकी दिली. याप्रकरणी फिर्यादी महिलेच्या तक्रारीवरून विमानतळ पोलिस ठाण्यात गुन्हा दाखल करण्यात आला आहे. तपास पोलिस जमादार श्री. पांचाळ करीत आहेत.

पाईपलाईन जोडणीच्या कारणावरून मारहाण
मुखेड तालुक्यातील जांब बुद्रुक येथील रामदास वैजनाथ मोरे यांच्या शेतामध्ये पाईपलाईन जोडण्याचे काम सुरू असताना आरोपींनी कुऱ्हाड तसेच काठीने डोक्यात मारुन गंभीर दुखापत केली. तसेच त्यांच्या पत्नीचा हात मोडला. यानंतर शिवीगाळ करून जिवे मारण्याची धमकी दिल्याची घटना बुधवारी (ता. तीन) सायंकाळी पाचच्या सुमारास घडली. या प्रकरणी रामदास मोरे यांच्या फिर्यादीवरून मुखेड पोलीस ठाण्यात गुन्हा दाखल करण्यात आला आहे. या प्रकरणाचा तपास फौजदार इटूबोने हे करीत आहेत. 

हेही वाचा..........अबब दोन लाख वीस हजार आले ऑनलाइन अर्ज

चाकूने मारून जखमी केले
नायगाव तालुक्यातील टेंभुर्णी येथे पद्मावती वडजे या महिलेस व त्यांच्या पतीस माझे लग्न करा, नवीन घर बांधून द्या म्हणुन एकाने वाद घातला. यामुळे पद्मावती वडजे या पतीसमेवत माहेरी जाण्यासाठी बॅग घेऊन निघाल्या असता आरोपीने कुठे निघून चालले म्हणून जीवे मारण्याच्या उद्देशाने पाटीत तसेच छातीत डाव्या बाजूवर चाकूने मारले. यावेळी फिर्यादी महिलेचा पती वाद सोडविण्यासज्ञठी आला असता त्यास चाकून मारून खून करण्याचा प्रयत्न केल्याची घटना बुधवारी (ता. तीन) सकाळी साडेदहाच्या सुमारास घडली. याप्रकरणी पद्मावती संदीप वडजे या महिलेच्या फिर्यादीवरून नायगाव पोलीस ठाण्यात कलम ३०७ नुसार गुन्हा दाखल करण्यात आला आहे. तपास सहायक पोलिस निरीक्षक श्री पाटेकर करीत आहेत.

हेही वाचलेच पाहिजे....जैवविविधतेचे रक्षण करुया....पर्यावरणाशी मैत्री जपूया

बनावट कागदपत्रांच्या आधारे कर्ज उचलले
मुदखेड येथील स्टेट बँक ऑफ इंडिया या बॅंकेमध्ये आरोपींनी संगनमत करून २०१७ ते ता. सहा मे २०२० या दरम्यान साक्षीदार व फिर्यादी यांचे बनावट कागदपत्रे वापरून बनावट सह्या केल्या. यातून संगनमताने कर्ज मंजूर केले. यामुळे फिर्यादी व बँकेची फसवणूक केली. याप्रकरणी फिर्यादी बँक कर्मचारी दिन पिता से दुनिया यांच्या फिर्यादीवरून मुदखेड पोलीस ठाण्यात फसवणुकीचा गुन्हा दाखल करण्यात आला आहे.