नांदेड : ऊसतोडी पोटी घेतलेली अडीच लाखांची उचल परत देण्याच्या कारणावरून तरुणाचे अपहरण केल्याची घटना तामसा (ता. हदगाव, जि. नांदेड) येथे घडली. तामसा पोलिस ठाण्यात तसा गुन्हा दाखल झाला. पाथरड तांडा (ता. हदगाव) (Hadgaon) येथील कृष्णा भिकू जाधव (वय २८) याने ऊसतोडीसाठी सोलापूर (Crime In Nanded) जिल्ह्यातील माढा साखर कारखान्याचे मुकादम विठ्ठल मत्ता राठोड (रा. नांदा तांडा, ता. भोकर, जि. नांदेड) (Nanded) यांच्याकडून अडीच लाख उचल घेतली होती. उचल परत देण्याच्या कारणावरून संशयितांनी आठ सप्टेंबरला संगनमत करून कृष्णा भिकू जाधव याला पकडले. जबरदस्तीने जीपमध्ये बसवून अपहरण केले.
त्याची आई शशिकलाबाई भिकू जाधव (वय ५५) यांनी रविवारी (ता. १२) दिलेल्या फिर्यादीवरून तामसा पोलिस ठाण्यात संशयितांविरुद्ध गुन्हा दाखल झाला. फौजदार किरवले तपास करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.