देगलूर (जि.नांदेड) : विधानसभेच्या देगलूर मतदारसंघाच्या पोटनिवडणुकीसाठी ३० ऑक्टोबरला (Deglur Bypoll) मतदान होत असून २३ उमेदवारांनी ३४ अर्ज दाखल केले होते. सोमवारी (ता. ११) अर्जाची छाननी झाली. त्यात शीतलताई रावसाहेब अंतापूरकर व विक्रम सुभाष साबणे यांचे अर्ज बाद झाले. २१ उमेदवारांचे अर्ज वैध ठरले. बुधवारी (ता. १३) उमेदवारी अर्ज मागे घेण्याचा शेवटचा (Nanded) दिवस आहे.

अर्ज वैध ठरलेल्या उमेदवारांत काँग्रेसचे जितेश अंतापूरकर, भाजपचे सुभाष साबणे, वंचित बहुजन आघाडीचे डॉ. उत्तम इंगोले, जनता दलाचे (धर्मनिरपेक्ष) विवेक सोनकांबळे, बहुजन भारत पार्टीचे परमेश्वर वाघमारे, रिपब्लिकन पार्टी ऑफ इंडियाचे (खोब्रागडे) डी. डी. वाघमारे, आंबेडकर नॅशनल काँग्रेसचे प्रल्हाद हटकर, अपक्ष म्हणून अरुण दापकेकर, साहेबराव गजभारे, माजी उपनगराध्यक्ष धोंडीबा कांबळे, भगवान कंधारे, सूर्यकांत भोरगे, मारुती सोनकांबळे, रामचंद्र भरांडे, आनंदराव रुमाले, ॲड. लक्ष्मण देवकरे भोसीकर, विमल वाघमारे, विठ्ठलराव शाबुकसार, माजी सनदी अधिकारी व्ही. जे. वरवंटकर, प्रा. सदाशिव भुयारे, सिद्धार्थ हाटकर यांचा समावेश आहे.