नांदेड : सद्यस्थितीत पाश्चात्य संस्कृती समाजामध्ये रुजल्याने त्याचा भारतीय संस्कृतीवर परिणाम होताना दिसत आहे. चित्रविचित्र कपडे घालण्याची प्रथा विशेषतः तरुणाईंमध्ये रुढ झाल्याचे दिसत आहे. त्यामुळे महाराष्ट्र शासनाने शासकीय कार्यालयात ‘ड्रेसकोड’चा काढलेला आदेश स्वागतार्ह आहे’, असे मत पाचलेगावकर महाराज आश्रमातील दत्तु डहाळे यांनी ‘सकाळ’शी बोलताना व्यक्त केले. 

त्यांनी सांगितले की, सध्या चित्रपट तसेच वाहिन्यांवरील मालिका, जाहिरातींमध्ये दाखविण्यात येणाऱ्या आक्षेपार्ह दृश्यांचा परिणाम भावी पिढीवर होत आहे. परिणामी भारतीय संस्कृतीला ही पाश्चात्य संस्कृती घातक ठरत आहे. चित्रपट, मालिका तसेच जाहिरातींतून नागरिकांनी काय घ्यावे? हा मोठा गहन प्रश्न आज निर्माण झाला आहे. मुलाने किंवा मुलीनी चित्रविचित्र कपडे घातले की, पालकही त्यांच्याकडे कौतुकाने बघतो. हे बरोबर नसल्याची खंतही श्री. डहाळे यांनी व्यक्त केली आहे. 

हेही वाचा - नांदेड जिल्ह्यात खरिपाची अंतिम पैसेवारी पन्नास पैशांच्याखाली
 

आज फॅशनच्या नावाखाली तरुणाही काहीही करत आहेत. हजारो रुपयांचा ड्रेस फाडून ते घालणे, केस वाढवणे, कानात बाळ्या घालणे आदी प्रकार सर्रासपणे होत असल्याने आपण कुठे चाललो? असा प्रश्न उपस्थित होतो आहे. केवळ पाश्चात्य संस्कृतीला जवळ केल्यामुळे हा सामाजिक परिणाम दिसून येतो आहे. आपली संस्कृती कुठे गेली? आपण काय करतो? काय पाहतो? याचा गांभीर्याने विचार करण्याची गरज निर्माण झाली आहे. रात्री जागरण करून सकाळी उशीरा उठणे ही एक फॅशन तरुणाईंमध्ये रुजल्यामुळे असंख्य शारीरिक व्याधींना त्यांना सामोरे जावे लागत असल्याचेही श्री. डहाळे यांनी सांगितले. 

हेही वाचलेच पाहिजे - नांदेड : मोबाईल शाॅपी फोडून, आपली मोबाईल शाॅपी चालविणारी टोळी जेरबंद, लाखोंचा ऐवज जप्त, भाग्यनगर पोलिसांची कारवाई

मुलीही शॉर्ट कपडे घालून सार्वजनिक ठिकाणी मुक्तपणे फिरत आहे. परिणामी अत्याचाराच्या, छेडछाडीच्याही घटना दिवसेंदिवस वाढत असून, याचा प्रत्यय मला विसावा उद्यानात आल्याचेही श्री. डहाळे यांनी सांगितले. त्यासाठी पोलिसांना विशेष अधिकार देवून, पोलिसांनीही प्रामाणिक कर्तव्य पार पाडावी. जेणे करून अत्याचाराच्या घटनांना काहीअंशी प्रमाणात आळा बसेल, अशी सूचनाही श्री. डहाळे यांनी केली आहे. 

पाश्चात्य संस्कृतीला आळा घालावा
पूर्वी स्त्रियांना मर्यादा होती. स्त्रियांनी कसे वागावे याचे प्रबोधन व्हायचे. अलिकडे मात्र स्त्रियांना समान अधिकार मिळाल्याचे दुष्परिणाम बघायला मिळत आहे. आज डोक्यावर पदर असणाऱ्या स्त्रिया क्वचित दिसतात. त्यामुळे केवळ शासकीय कार्यालयांमतच ड्रेसकोडची सक्ती न करताना पाश्चात्य संस्कृतीलाही आळा घालण्यासाठी शासनाने प्रयत्न करावेत. 
- दत्तु डहाळे, पाचलेगावकर महाराज आश्रम नांदेड.