रोजच्या कामाच्या धावपळीतून वेळ काढून एखाद्या ठिकाणी जायचं ठरलं तर, आपण त्या ठिकाणाच्या आसपासची ठिकाणे फिरून येतो. तसेच, यंदाच्या नवरात्रित तूम्हीही माता वैष्णोदेवीच्या दर्शनाला जाणार असाल तर, जवळपास असलेल्या या अद्भुत ठिकाणांनाही भेट द्या.

हिंदू धर्मात वैष्णोदेवी यात्रेला खूप महत्त्व आहे. येथे अनेक भक्तांच्या मनोकामना पूर्ण होतात. म्हणूनच माता वैष्णोदेवीच्या दर्शनासाठी नवरात्रित दरवर्षी लाखो भाविक जमतात. यंदा नवरात्री 26 सप्टेंबर ते 4 ऑक्टोबर दरम्यान असून दसरा 5 ऑक्टोबर रोजी विजया दशमी दसरा आहे. जाणून घेऊयात माता वैष्णोदेवी मंदिराजवळील काही इतर पर्यटनस्थळे 

● पटनीटॉप

जम्मू-काश्मीरमधील हिल स्टेशनपैकी एक असलेल्या पटनीटॉपला नैसर्गाची अद्भुत देण लाभली आहे. माता वैष्णोदेवीच्या मंदिरापासून 85 किलोमीटर अंतरावर हे ठिकाण आहे. पटनीटॉपमध्ये तुम्हाला देवदार वृक्षाची जंगले आणि उंच पर्वतरांगा पहायला मिळतात. या ठिकाणी तुम्ही पॅराग्लायडिंग, रॉक क्लाइंबिंग, ट्रेकिंगसह अनेक साहसी खेळांचा आनंद घेऊ शकता. पटनीटॉपमध्ये हिवाळ्यात बर्फवृष्टी होते.

● सनसर

सनसर हे जम्मू आणि काश्मीरमधील सर्वात सुंदर हिल स्टेशनपैकी एक आहे. जे कटरापासून सुमारे 105 किलोमीटर अंतरावर आहे. तुम्ही पॅराग्लायडिंग, बोट राईड आणि रॉक क्लाइंबिं

● बटोत

कटरा पासून सुमारे 80 किलोमीटरवर हे चिनाब नदीच्या काठावर बटोत वसलेले आहे. हे हिल स्टेशन विलोभनिय असून  पर्यटकांमध्ये प्रसिद्ध हिल स्टेशनपैकी एक आहे. नदीच्या काठावर बसून विश्रांतीचे क्षण घालवण्यासाठी पर्यटक गर्दी करतात. तुम्ही इथल्या जंगलात कॅम्पिंग आणि ट्रेकिंग करू शकता. 

● झज्जर कोटली

हे ठिकाण त्याच्या सौंदर्यासाठी ओळखले जाते. माता वैष्णो देवी मंदिर परीसरातील सर्वोत्तम ठिकाणांपैकी एक मानले जाते. जम्मू आणि काश्मीरमधील हा एक प्रसिद्ध पिकनिक स्पॉट आहे. येथे तुम्हाला ऍडव्हेंचर गेम करायला मिळतील. झज्जर कोटली कटरापासून पासून 30 किमी अंतरावर आहे.