बेळगाव  : कोरोनाच्या संकटामुळे घरी परतण्याची आस लागून राहिलेल्या देशभरातील 12 हजार नागरिकांनी 7 दिवसात  बेळगावला येण्यासाठी ऑनलाईन अर्ज दाखल केले आहेत. यामध्ये मोठ्या प्रमाणात वाढ होण्याची शक्यता प्रशासनाकडून वर्तविण्यात येत आहे. तसेच विविध भागातून बेळगाव जिल्ह्यात येत असलेल्या नागरिकांची आरोग्य तपासणी करणे, त्यांना क्कारंन्टाईन करणे आदी कामांमुळे प्रशासनावर मोठ्या प्रमाणात भार पडत आहे. 

4 मेपासून देशभरात लॉकडाऊन शिथिल करण्यात आल्यानंतर देशाच्या विविध भागात अडकलेले नोकरदार, व्यावसाईक व कामगार आपल्या घरी परतण्यासाठी धडपड करीत आहेत. तसेच आपल्या गावी जाण्यासाठी अर्ज केल्यानंतर काही जण स्वतःच्या वाहनाने तर काही लोक मिळेल त्या वाहनाने गावी परतत आहेत.

हेही वाचा- मुक्या भावनांना फुटला कंठ  ; कुत्र्यांच्या तावडीत सापडलेल्या पिलाची अखेर आईशी झाली भेट....

 बेळगाव शहर आणि परिसरात अडकलेले परप्रांतीयांनी ज्या प्रमाणे आपल्या राज्यात जाण्यासाठी मोठया प्रमाणात अर्ज दाखल केले आहेत. त्याच प्रमाणे बेळगाव जिल्ह्यामध्ये येण्यासाठीही मोठ्या प्रमाणात अर्ज दाखल करण्यात आले आहेत. 4 ते 10 मे पर्यंत गुजरात, राजस्थान, महाराष्ट्र, दिल्ली, तामिळनाडू व आंध्र प्रदेशातुन बेळगावला येण्यासाठी अधिक अर्ज दाखल झाले आहेत. तसेच बेंगळुरू, म्हैसूर, मंगळूर येथील येथे नोकरीसाठी असलेल्या नागरिकांनीही बेळगाव व विविध तालुक्यात येण्यासाठी अर्ज केले आहेत. 

क्कारंन्टाईनकरण्यासाठी प्रशासनाची तयारी 
प्रशासनाने सीपीएड मैदानावर बाहेरून आलेल्या लोकांची तपासणी करण्याची सोय केली आहे. प्रत्येक तालुक्यातील लोकांच्या अर्जाची पाहणी करण्यासाठी स्वतंत्र विभाग करण्यात आले आहेत. यामध्ये  बेळगाव शहर, खानापूर व हुक्केरी, चिक्कोडी, रायबाग, अथणी, निपाणी व बैलहोंगल, सौदत्ती, रामदुर्ग, कित्तुर असे विभाग करण्यात आले आहेत. तर इतर राज्यातून आलेल्या लोकांसाठी वेगळा विभाग करण्यात आला असून प्रत्येक पोलीस स्थानकाच्या अंतर्गत येणाऱ्या लोकांची माहिती पोलीस स्थानकांना दिली जात आहे. त्यानुसार बाहेरील राज्यातून येणाऱ्या लोकांना होम किंवा इतर ठिकाणी क्कारंन्टाईनकरण्याबाबत निर्णय घेतला जाणार आहे.

हेही वाचा- मंडणगडात येणाऱ्या नागरिकांचा वाढला ओघ ; प्रशासकीय यंत्रणा हतबल

बाहेरील राज्यातुन येणाऱ्या लोकांना कॉरंनटाइन करण्यासाठी शाळा ताब्यात घेण्यात येत आहेत मात्र अनेक ठिकाणी शाळांमध्येक्कारंन्टाईन करण्यास नागरिक विरोध करीत आहेत त्यामुळे प्रशासनाची डोखेदुःखी वाढली आहे.