सांगली-  जिल्ह्यात आज 163 जणांना कोरोनाची बाधा झाली. नऊ जणांचा मृत्यू झाला. 305 जण कोरोनामुक्त झाले. महापालिका क्षेत्रात बाधितांची संख्या 20 पर्यंत खाली आली. बाधितांची संख्या 43 हजार 236 झाली आहे. 2 हजार 440 जण उपचार घेत आहेत. 

आज 577 आरटीपीसीआर तपासण्यात 43 बाधित आढळले. 2351 रॅपीड अँटीजेन तपासण्यात 124 जणांना बाधा झाल्याचे स्पष्ट झाले. आटपाडी तालुक्‍यात 6, जतला 31, कडेगाव 9, कवठेमहांकाळ 5, खानापूर 16, मिरज 7, पलूस 6, शिराळा 11, तासगाव 5 तर वाळवा तालुक्‍यात 37 जणांना बाधा झाली. महापालिका क्षेत्रात सांगलीत 10 तर मिरजेत दहा रुग्ण आढळले. 
आटपाडी तालुक्‍यातील 1, कवठेमहांकाळमधील 2, खानापुरातील 1, मिरजेतील 1, वाळव्यातील 2 तर महापालिका क्षेत्रातील दोघांचा मृत्यू झाला. 
सध्या 306 रुग्ण ऑक्‍सिजनवर आहेत. नॉन इन्व्हेंजीव व्हेंटिलेटरवर 51, हायफ्लो नेझल ऑक्‍सिजनवर 26, इन्व्हेजीव व्हेंटिलेटरवर 5 रुग्ण आहेत. परजिल्ह्यातील चार रुग्ण आज दाखल झाले. एकूण 26 रुग्ण उपचार घेत आहेत. 

• आजचे बाधित - 163 
• उपचाराखाली - 2440 
• बरे झालेले - 39207 
• एकूण मृत्यू - 1589 
• एकूण बाधित - 43236 
• चिंताजनक - 388 
• ग्रामीण बाधित - 21094 
• शहरी बाधित - 6351 
• मनपा क्षेत्र - 15791