सांगली : सांगली महापालिका महापौर निवडणुकीत भाजपच्या नगरसेवकांनी राष्ट्रवादीला मदत केली होती. त्या सहा नगरसेवकांवर कारवाई केली जाईल असा इशारा भाजपचे शहराध्यक्ष दीपक शिंदे यांनी दिला. पक्षाचा व्हीप डावलून भाजपाच्या चार आणि एक सहयोगी नगरसेवकाने कॉंग्रेस राष्ट्रवादीच्या उमेदवारांना मतदान केले होते. यांच्यामुळेत महापासलिकेतील भाजपाची सत्ता गेली आहे. घोडेबाजार आणि पैशाचा वापर करुन काँग्रेस-राष्ट्रवादीने सत्ता हस्तगत केल्याचा आरोपही भाजपाच्या वतीने केला जात आहे. 

पुढे ते म्हणाले, या नगरसेवकांनी काँग्रेस राष्ट्रवादीच्या उमेदवारांना मतदान केले आहे. अनुपस्थित राहिलेल्या दोन नगरसेवकांनी व्हिप डावलला आहे. त्यामुळे योग्य ते कायदेशीर सल्लामसलत करून अपात्रतेच्या कारवाईसाठी तातडीने पावले उचलली जाणार आहेत. जनता वेळ आल्यानंतर दाखवून देईल, पक्षही त्यांच्यावर निश्चितपणे कारवाई करणार आहे. महापालिकेत काँग्रेस राष्ट्रवादीची आघाडीचे महापौर-उपमहापौर झाले असले तरी, महत्त्वाच्या असलेल्या स्थायी समिती सभेत भाजपचे सभापती आहेत. अन्य समित्यांवरही भाजपचे वर्चस्व आहे. 

हेही वाचा - आता जयंतरावांची वेळ आणि खेळ... -

सातपैकी सहा भाजपचे सदस्य आहेत. त्यांना व्हीप लागू होतो. या सदस्यांवर कारवाई करण्याचा इशारा दिला आहे. पक्षाचा व्हीप डावलून राष्ट्रवादी आणि काँग्रेसच्या उमेदवाराला मतदान करणाऱ्यांमध्ये भाजपचे महेंद्र सावंत, स्नेहल सावंत, अपर्णा कदम, नसीमा नाईक यांचा समावेश आहे तर आनंदा देवमाने आणि शिवाजी दुर्वे हे दोघे गैरहजर राहिले होते. या सदस्यांवर कारवाई करण्याबाबत भाजप शहर जिल्हाध्यक्ष दीपक शिंदे यांनी इशारा दिला आहे.

संपादन - स्नेहल कदम