कऱ्हाड : कोरोनाच्या पार्श्वभूमीवर लागू केलेल्या संचारबंदीच्या कायद्यासह सोशल डिस्टन्स ठेवण्याचे आदेशाचा भंग करून पाच पेक्षाही जास्त नागरीकांना एकत्रीत घेवून नमाज पठण करणाऱ्या 26 जणांना येथील छत्रपती शिवाजी स्टेडीयम परिसर आणि गोटे येथए पोलिसांनी ताब्यात घेतले. पोलिसांनी खबऱ्यांकडुन मिळालेल्या माहितीवरुन ही कारवाई करण्यात आली.

पोलिसांची माहिती अशी ः गोटे आणि येथील छत्रपती शिवाजी स्टेडीयम परिसरात एका ठिकाणी सामुदायिक नमाज पठण सुरू आहे, अशी माहिती पोलिस उपाधिक्षक सुरज गुरव, पोलिस निरिक्षक बी. आर. पाटील यांना मिळाली. त्यानुसार त्यांच्या मार्गदर्शनाखाली सहाय्यक पोलिस निरीक्षक विजय गोडसे, हवालदार योगेश भोसले, संजय जाधव, तानाजी शिंदे, प्रफुल्ल गाडे, संतोष माळी, होमगार्ड ए. पी. पुस्तके यांनी तेथे छापा टाकला.

त्यावेळी गोटे येथे फय्याज अब्बास मुत्तवल्ली (वय 48), अब्बास लाल मुत्तवल्ली (76), साहिल सिराज मुलाणी (20), शाहिद दिलावर संदे (38) सोहेल फयाज मुत्तवल्ली (20), अझरुद्दीन दिलावर संदे (28), तौफिक अजिज शेख (52), जावेद दिलावर संदे (30), करीम संदे (65), रियाज अब्दुल शेख (30), जमीर करीम सुतार (34), अमीर बाळू सुतार (30), सद्दाम यासिन मुल्ला (26), शाहरुख अब्दुल शेख (22), जमीर बाळू शेख ( 29), सलीम मुबारक मांगलेकर (38), बाळू अब्बास सुतार (25), ताजुद्दीन रसूल मांगलेकर, राजू करीम सुतार (29), दिलावर रसूल संदे (52, सर्व  गोटे) यांना ताब्यात घेतले. त्यानंतर पोलिसांनी छत्रपती शिवाजी स्टेडियम परिसरातील एका ठिकाणी छापा टाकून तेथुन अल्ताफ हमीद सय्यद (वय 40), मोहंमद साहेबलाल पटेल (27), रहेमान मेहबूब साहब सिंदगीकर (24), आस्लम मेहबूब साहब सिंदगीकर (28), सुहेल सय्यद (21), आमिर आख्तर मणेर (21, सर्व रा.शिवाजी स्टेडियम झोपडपट्टी परीरस) यांना ताब्यात घेतले. संबंधित 26 जणांना न्यायालयात आज हजर करण्यात आले. न्यायालयाने संबंधितांना 15 हजार रुपयांचा दंड ठोठावला.

रामायण, महाभारत बरोबरच ‘या’ मालिकाही सुरू करा : पृथ्वीराज चव्हाण

तबलीगसारख्या संघटनांची चिकित्सासुद्धा होणे गरजेचे आहे.