पारनेर : जिल्हाधिकारी राहुल द्विवेदी यांनी आज सकाळी ज्येष्ठ समाजसेवक अण्णा हजारे यांची भेट घेऊन प्रकृतीची विचारपूस केली. त्यानंतर हजारे यांचे मौन कशासाठी आहे, त्यांच्या मागण्या काय आहेत, याची माहिती घेऊन त्या विषयावर सविस्तर चर्चा केली. 

हे पाहा थरारक... "मोस्ट वॉंटेड' बल्ली गजाआड 

हजारे यांनी महिलांवर होणाऱ्या अत्याचाराच्या विरोधात, तसेच या गुन्ह्यांशी संबंधित आरोपींना तत्काळ शिक्षा व्हावी या मागण्यांसाठी मौन सुरू केले आहे. मौनाचा आज दहावा दिवस होता. गेले नऊ दिवस सरकारच्या बाजूने कोणतीच दखल घेतली गेली नव्हती; मात्र आज सकाळपासून सरकारी पातळीवर हालचाली सुरू झाल्या आहेत. 

हेही वाचा निष्ठा, तत्त्वांच्या गोष्टी त्यांनी बोलू नये 

जिल्हाधिकाऱ्यांनी हजारे यांची भेट घेतल्यानंतर ते मुख्यमंत्री उद्धव ठाकरे यांचा किंवा सरकारचा काही तरी संदेश घेऊन आले असावेत, अशी चर्चा राळेगणसिद्धीत सुरू झाली. उशिरा का होईना, सरकारी पातळीवर हालचाली सुरू झाल्याने राळेगणसिद्धीत समाधानाचे वातावरण निर्माण झाले आहे. आज सकाळपासून हजारे यांना भेटणारांची व पाठिंबा देणारांची संख्या मोठ्या प्रमाणात वाढली आहे. 

हे पाहा गावाला अंधारात ठेऊन यांनी निवडला सदस्य! 

बंधाऱ्याची पाहणी 
जिल्हाधिकारी द्विवेदी यांनी हजारे यांच्या भेटीनंतर, हजारे यांनी राळेगणसिद्धी येथे तलाव व बंधाऱ्यांच्या गळतीवर प्लॅस्टिकचा वापर करून गळती थांबविण्याचा विशेष असा यशस्वी प्रयोग केला आहे. त्या प्रयोगाची प्रत्यक्षात बंधाऱ्यावर जाऊन जिल्हाधिकाऱ्यांनी पाहणी केली.  

येथे क्‍लिक करा मुख्यमंत्र्यांचा निरोप अण्णांपर्यंत पोचविला