बेळगाव : लॉजमध्ये गळफास घेऊन तरुणाने आत्महत्या केल्याची घटना सोमवारी (२६) उघडकीस आली. कपिल विकास पवार (वय २९, रा. भारतनगर चौथा क्रॉस, शहापूर) असे त्याचे नाव आहे. रेल्वेस्थानक रोडवरील लॉजमध्ये ही घटना घडली.
याबाबत पोलिसांकडून मिळालेली अधिक माहिती अशी की, कपिलला दारुचे व्यसन होते. यात त्याच्यावर कर्जही होते. रिक्षा चालवून तो उदरनिर्वाह करत होता. परंतु, सध्या तो आर्थिक तणावाखाली होता. रविवारी रेल्वेस्थानक रोडवरील लॉजमध्ये थांबला होता. याठिकाणी पंख्याला दोरी बांधून त्याने गळफास घेतला. सोमवारी (२६) लॉजमधील कर्मचाऱ्यांनी कपिलला उठवण्याचा प्रयत्न केला. मात्र, कोणताही प्रतिसाद न मिळाल्यामुळे पोलिसांना माहिती देण्यात आली. पोलिसांनी तपासणी केली असता कपिलने आत्महत्या कल्याचे उघडकीस आले. खडेबाजार पोलिस ठाण्यात याची नोंद आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.