बेळगाव : कोरोनापासुन सावधानता बाळगण्यासाठी शिक्षण खात्याने उपाय योजना राबविण्यास सुरुवात केली असून दहावी परीक्षेसाठी नवीन नियमावली तयार केली आहे. त्यानुसार सर्दी, ताप, खोकला आदी आजार झालेल्या विद्यार्थ्यांना परीक्षेवेळी स्वतंत्र खोलीत बसविण्यात येणार आहे तसेच परीक्षेवेळी विद्यार्थ्यांना मास्क वापरण्याची परवानगी देण्यात आली असून परीक्षा काळात एका खोलीत 15 ते 20  विध्यार्थीच बसवा अशी सूचनाही करण्यात आली आहे. 

पहिली ते सहावी पर्यंतची परीक्षा रद्द
कोरोनापासून खबरदारी घेण्यासाठी शिक्षण खात्याने पहिली ते सहावी पर्यंतची परीक्षा रद्द केली आहे तर सातवी ते नववीच्या परीक्षा 31 मार्चपर्यंत पुढे ढकलण्यात आल्या आहेत. मात्र दहावीच्या परीक्षा जाहीर केलेल्या वेळापत्रका प्रमाणे 27 मार्च ते 9 एप्रिल पर्यंत होणार आहे. मात्र कोरोनामुळे विविध प्रकारच्या खबरदारी घेतली जात आहे. याचाच एक भाग म्हणून दहावी परीक्षेवेळी जे विद्यार्थी मास्क घालून परीक्षा केंद्रावर येतील त्यांना परीक्षा केंद्रावर जाण्याची मुभा देण्यात यावी अशी सूचना परीक्षा केंद्र प्रमुखांना करण्यात आली आहे.

 हेही वाचा- दुर्दैव : चुलती-पुतण्यांने जाळला ऊसाचा फड...

आजारी विध्यार्थी बसणार स्वतंत्र खोलीत

तसेच ज्या विद्यार्थ्यांना सर्दी, ताप आदी आजार असतील तर त्यांना  वेगळ्या खोलीत बसून पेपर लिहायला देण्याची सूचना करण्यात आली असून ज्या विध्यार्थ्यांना सॅनिटाइजर्स घेऊन यायचे असतील तर ते विद्यार्थी त्याचा वापर करू शकतात. परीक्षा सुरळीतरित्या पार पडावी यासाठी आवश्यक त्या उपाय योजना करण्यात आल्या आहेत त्यानुसार शिक्षण खात्याने परीक्षा काळात नवीन नियमावली तयारी करण्यात आली आहे. याबाबत शिक्षकांनी विद्यार्थ्यांना आवश्यक ती माहिती द्यावी असे सुचविण्यात आले आहे.

 हेही वाचा-Coronavirus : दुबईतून कोल्हापुरात आले  ११५ प्रवासी...

कोरोनामुळे विद्यार्थ्यांना कोणत्याही प्रकारचा त्रास होऊ नये यासाठी दहावी परीक्षेसाठी सावधानता बाळगण्यात येत आहे याबाबत विद्यार्थ्यांना लवकरच माहिती देण्यात येणार आहे 
ए बी पुंडलिक, जिल्हा शिक्षणाधिकारी