उगार खुर्द : कागवाड (Kagwad)तालुका निर्मिती होऊन चार वर्षे झाली आहेत. येथे न्यायालय व शासकीय कार्यालये होत आहेत. त्याप्रमाणे आमदार श्रीमंत पाटील यांना सोबत घेऊन कागवाड तालुका कृषी उत्पन्न बाजार समितीची (एपीएमसी) स्थापना करण्यात येईल, अशी घोषणा राज्याचे माजी उपमुख्यमंत्री लक्ष्मण सवदी (Laxman Savadi)यांनी केली.

कागवाड येथे ८० लाख रूपये खर्चुन बांधण्यात आलेल्या १४ व्यापारी संकुल गाळ्यांचे उदघाटन करून ते बोलत होते. अध्यक्षस्थानी अथणी साखर कारखान्याचे व्यवस्थापकीय संचालक श्रीनिवास पाटील तर व्यासपीठावर एपीएमसी सदस्य रवींद्र पुजारी, गटीबाळाप्पा गुड्डापूर, लक्ष्मण मुगळखोड, शिवानंद मगदूम, विठ्ठल पवार, अनिल कोडणी होते.

सध्या अथणी तालुक्यात कृषी उत्पन्न बाजार समिती आहे. या समितीचे संचालक कागवाड तालुक्यात आहेत.त्यांना अथणीस जावे लागते कागवाड तालुका झाल्याने येथे कृषी उत्पन्न बाजार समिती गरजेची आहे. त्यामुळे शेतकऱ्यांची सोय होऊन विकास होण्यास मदत होणार आहेत. त्यामुळे परिसरातून समाधान व्यक्त होत आहे.