सांगली : सांगली, मिरज शहरांना रविवारी सायंकाळी पावसाने झोडपले. सांगली शहरात दीड तासात कालावधीत १०१ मिलिमिटर म्हणजे अतिवृष्टी झाली. सन २००५ नंतर सांगलीत विक्रमी पावसाची नोंद झाली आहे. मुसळधार पावसाने शहरात हाहाकार माजला. चौक, रस्ते, विस्तारित भागात पाणीच पाणी झाले. उपनगरांतील अनेक घरांमध्ये, झोपडपट्टीत पाणी शिरले. गटारी तुंबून घरांत शिरल्या.
रविवारी सायंकाळी सांगली शहरात पाचला तशी ढगफुटी म्हणावी असा पाऊस झाला. सांगली, मिरज वगळता जिल्ह्यात पाऊस कमी झाला. अर्धा तासात २५ ते ३० मिलिमिटर, तासात ६० तर दीड तासात ९० मिलिमिटरपेक्षा अधिक पाऊस झाला तर अश्या ठिकाणी ढगफुटीसारखी परस्थिती निर्माण होते. सांगली शहरात रविवारच्या दीड तासात ही परस्थिती ओढवली. तासापेक्षा अधिक काळ एकसारखा पाऊस कोसळला. तासानी थोडा कमी झाला. शहरातील अनेकांच्या घरांत पाणी शिरले. मारुती चौक पाण्यात बुडाला. गुंठेवारी भागात तासाभरात महापुरासारखी स्थिती निर्माण झाली. शहरातील बहुतांश चौकांत पाणी साचले. वाहतूक खोळंबली.
गेल्या २४ तासात व जुनपासून आजअखेर झालेला पाऊस मिलिमिटरमध्ये असा- सांगली- १०१ व ६८९, मिरज- ६१ व ६५७, तासगाव- ६ व ५०२, पलूस- १३ व ५२३, शिराळा- ०.३ व ६६८, विटा- ० व ३७८, आटपाडी- ०.३ व ४९१, कवठेमहांकाळ- ०० व ४२३, जत- ०० व ६१२, कडेगाव-२.५ व ४५०.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.