सोलापूर : ज्यादा व्याजदराच्या आशेने पतसंस्थांमध्ये ठेवलेल्या 59 लाख 28 हजार सभासदांच्या 957 कोटी 39 लाखांच्या ठेवी मागील अडीच- तीन वर्षांपासून मिळाल्याच नाहीत. भविष्यकाळातील आरामदायी जीवनाचे स्वप्न पूर्ण करण्याच्या उद्देशाने रात्रंदिवस मेहनत करुन पै पै जमा करुन सभापसदांनी या ठेवी पतसंस्थांमध्ये जमा केल्या. मात्र, राजकीय हस्तक्षेपामुळे कारवाईला अडथळा येत असल्याचे सहकार विभागातील सूत्रांनी सांगितले. 

आवश्‍य वाचाच...अवघड झाले...महाराष्ट्र एक्‍स्प्रेसचा स्लिपर कोच रद्द 

जिल्ह्यांचा आराखडा राजकीय हस्तक्षेपामुळे कागदावरच
पतसंस्थांमध्ये ठेव म्हणून ठेवलेली रक्‍कम परत मिळावी यासाठी ठेवीदारांनी संबंधित पतसंस्थांचे तथा संचालकांचे उंबरठे झिजवले मात्र, काहीच उपयोग झाला नाही. काही ठेवीदारांचा मृत्यूही झाला परंतु, एकरकमी परतफेड योजना सुरु करुनही ठेवी मिळाल्याच नाहीत, असे चित्र आहे. प्रत्येक जिल्हा उपनिबंधकांनी आपापल्या जिल्ह्यातील अडचणीतील पतसंस्था अन्‌ त्यामध्ये ठेवीदारांच्या अडकलेल्या ठेवी वसुलीच्या दृष्टीने ठोस कृती आराखडा तयार करण्याचे निर्देश सहकार आयुक्‍तांनी दोन वर्षांपूर्वी दिले. मात्र, काही जिल्ह्यांनी आराखडा तयार केलाच नाही तर बहूतांश जिल्ह्यांचा आराखडा राजकीय हस्तक्षेपामुळे कागदावरच असल्याचे दिसून येते. राष्ट्रीयीकृत अथवा जिल्हा सहकारी मध्यवर्ती बॅंकांच्या गावोगावी शाखा नसल्याने गावोगावी भरमसाठ पतसंस्था सुरु करण्यात आल्या. ठेवीदारांचा विश्‍वास संपादन करुन ठेवीत वाढही झाली मात्र, काही कर्जदार तथा संचालक मोठे भांडवलदारही झाले. परंतु, व्याजासह सोडाच मूळ मुद्दलही ठेवीदारांना मिळत नसल्याचे चित्र आहे. 

हेही आवश्‍य वाचाच...प्रेमप्रकरणातून झालेल्या मारहाणीत फुटबॉलपटूचा मृत्यू 

राज्याची सद्यस्थिती 
एकूण पतसंस्था 
13,489 
अडचणीतील पतसंस्था 
469 
अडकलेल्या ठेवी 
957.39 कोटी 
अडचणीतील ठेवीदार 
59.28 लाख 

हेही आवश्‍य वाचाच...राज्यपाल म्हणाले...मराठी समजते पण बोलता येत नसल्याची खंत 

संचालकांवर लवकरच जबाबदारी निश्‍चिती 
राज्यातील पतसंस्थांमध्ये ठेवीदारांच्या अडकलेल्या ठेवी परत मिळाव्यात यादृष्टीने 101 अंतर्गत कारवाई सुरु असून जप्तीच्या माध्यमातून सुमारे 25 कोटींची वसुलीही केली आहे. काही संचालकांवर जबाबदारी निश्‍चित करुन वसुली सुरु असून काही महिन्यांत वसुलीची अपेक्षा आहे. 
- मिलिंद सोबळे, विभागीय उपनिबंधक, पतसंस्था, सहकार आयुक्‍तालय, पुणे