30 Crore Increase In Ichalkaranji's Budget Kolhapur Marathi News
30 Crore Increase In Ichalkaranji's Budget Kolhapur Marathi News 
कोल्हापूर

इचलकरंजीच्या अंदाजपत्रकात 30 कोटींची वाढ 

पंडित कोंडेकर

इचलकरंजी : पालिकेच्या स्थायी समिती सभेत 2021-22 च्या अंदाजपत्रकावर सविस्तर चर्चा करण्यात आली. या वेळी प्रशासनाने मांडलेल्या अंदाजपत्रकात सुमारे 30 कोटी रुपयांची वाढ स्थायी समितीकडून सूचवली. त्यानुसार आवश्‍यक ती दुरुस्ती करुन अंदाजपत्रक पालिकेच्या सर्वसाधारण सभेसमोर अंतिम मंजुरीसाठी पाठवण्यात येणार आहे. 

नगराध्यक्षा अलका स्वामी यांच्या अध्यक्षतेखाली ही सभा झाली. यापूर्वी 15 जानेवारीला झालेली स्थायी समितीची सभा तहकूब केली होती. आज ही सभा झाली. यापूर्वी सर्वच सभापतींनी आपापल्या विभागाला भरीव तरतुदीची मागणी केली होती. तसेच विविध उत्पन्नाचे स्रोत सुचवले होते. आज पुन्हा यावर सविस्तर चर्चा केली.

विशेष करून शासनाकडून मिळणाऱ्या सहायक अनुदानातील कपातीवर चर्चा केली. सध्या पालिकेची आर्थिक परिस्थिती नाजूक बनली आहे. पालिका फंडातून कामे करण्यावर मर्यादा आल्या आहेत. मक्तेदारांची देणी प्रथम अदा करावीत, त्यानंतरच पालिका फंडातून विकासकामांची निविदा काढण्याबाबत चर्चा करण्यात आली. पालिका प्रशासनाकडून तयार केलेल्या अंदाजपत्रकात स्थायी समितीने सुमारे 30 कोटींची वाढ सुचवली आहे. त्यानुसार अंदाजपत्रकात दुरुस्ती करून मंजुरीसाठी सर्वसाधारण सभेसमोर शिफारस करण्याचा निर्णय झाला. 

चर्चेत उपनगराध्यक्ष तानाजी पोवार, बांधकाम सभापती उदयसिंह पाटील, आरोग्य सभापती संजय केंगार, पाणी पुरवठा सभापती दीपक सुर्वे, महिला व बालकल्याण सभापती सारिका पाटील, शिक्षण सभापती मनोज साळुंखे, सदस्य सागर चाळके, मुख्याधिकारी संतोष खांडेकर यांच्यासह विविध खातेप्रमुख सहभागी झाले होते. 

संपादन - सचिन चराटी

kolhapur

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

World Laughter Day 2024 : हसा लोकांनो हसा! तणाव,हृदयविकाराची करायचीय सुट्टी तर फक्त हसा, हसण्याचे ढिगभर फायदे

IPL 2024, RCB vs GT: विराटचा जबरदस्त डायरेक्ट थ्रो, तर विजयकुमारचा सूर मारत भन्नाट कॅच, पाहा Video

Weekly Horoscope : साप्ताहिक राशिभविष्य (०५ मे २०२४ ते ११ मे २०२४)

Latest Marathi News Live Update : प्रचाराचा आज सुपरसंडे, तोफा थंडावणार; जोरदार शक्तिप्रदर्शनाची तयारी

Sakal Podcast : जम्मू-काश्मीरमध्ये दहशतवादी हल्ला ते रावेरमध्ये लोकसभेत कोण बाजी मारणार?

SCROLL FOR NEXT