आपटी (कोल्हापूर) : पन्हाळा तालुक्यातील करंजफेण येथील ६७ वर्षीय वृद्ध मंगळवारी रात्री कोरोना बाधित झाला होता. त्यावेळी सुरक्षतेच्या दृष्टीने बाधित वृद्धाच्या प्रथम संपर्कातील तेरा जणांनाची तपासणी करण्यात आली होती.त्यापैकी वृद्धाच्या घरातील आठ व्यक्तींचा अहवाल  पॉझिटिव्ह आला असून बाकी पाच जणांचा अहवाल  निगेटिव्ह आला आहे. एकाचवेळी आठ जण कोरोना पॉझिटिव्ह सापडल्याने करंजफेण हादरले असून परिसरात चिंतेचे वातावरण पसरले आहे.तर सुरक्षतेच्या दृष्टीने प्रशासनाकडून बाधितांच्या  प्रथम संपर्कातील व्यक्तींचा शोध घेण्याचे काम चालू आहे.

हेही वाचा- मृत महिला पॉझिटिव्ह आल्याने गंजीमाळ परिसर हादरला
सविस्तर वाचा...

करंजफेण येथील मंगळवारी कोरोना बाधित झालेला वृध्द वयोमानानुसार नियमित आजारी असे. आजारी असल्याने त्याने प्रथम कोतोली येथे उपचार घेतले होते. त्याच वेळी कोतोली येथे त्यांच्या रक्ताचीही तपासनी करून घेतली होती. त्याला कोल्हापूर येथे उपचारार्थ दाखल केल्यानंतर त्याची कोरोना
चाचणी करण्यात आली तेव्हा तो बाधित असल्याचे सिद्ध झाले.त्यामुळे सुरक्षतेच्या दृष्टीने प्रशासनाने त्याच्या प्रथम संपर्कातील तेरा जणांची तपासणी केली. त्यामध्ये वृद्धाच्या घरातील दहा तर त्याने रक्ताची तपासणी केलेल्या लॅब मधिल तीन जणांचा समावेश होता.

हेही वाचा- ब्रेकिंग -  कोल्हापूरात आणखी १२ जणांना कोरोनाची लागण -

पन्हाळा तालुक्यातील रुग्णांची संख्या अर्धशतकाच्या जवळ

या सर्वांचा कोरोना अहवाल प्रशासनास प्राप्त झाला.त्यामध्ये वृद्धाची ६० वर्षीय पत्नी,दोन मुलगे,दोन सुना,तीन नाती अशा वृद्धा कुटूंबातील आठ जणांचा समावेश  आहे.तर लॅब मधिल तीन जणांसह अन्य दोघांचा अहवाल निगेटिव्ह आला आहे. तर आज बाधित झालेल्या वृद्धाच्या दोन मुलांपैकी एक मुलगा व सून वकील असून ते कोल्हापुरात राहतात.त्या दोघांबरोबरच त्यांच्या दोन मुलींचाही कोरोना अहवाल पॉझिटिव्ह आहे.त्यामुळे प्रशासनाला बाधितांच्या संपर्कातील व्यक्तींचा शोध घेण्यासाठी व्यापक मोहीम राबवावी लागत आहे. एकाच वेळी व एकाच कुटुंबातील आठ जण बाधित होण्याची ही पन्हाळा तालुक्यातील पहिलीच घटना आहे. या घटनेमुळे करंजफेण व परिसरात चिंतेचे वातावरण पसरले आहे.