राशिवडे बुद्रुक (कोल्हापूर) : शेतातील हद्द आणि रस्त्याच्या वादावरून येथे आज झालेल्या मारहाणीत एकाने दुसऱ्या युवकावर विळ्याने हल्ला केला. यामध्ये विक्रम नाना डकरे हे गंभीर जखमी झाले. त्यांच्या हाताची दोन बोटे तुटली असून दोन-तीन ठिकाणी वार लागल्याने त्यांच्यावर कोल्हापूर येथील खाजगी रुग्णालयात उपचार सुरु आहेत. शाहूपुरी पोलिस ठाण्यात याची नोंद झाली आहे.

 काल या परिसरातच कुरुकली येथील शेताच्या व वैरणीच्या वादा वरूनच खुनाची घटना ताजी असतानाच आज येथे झालेला प्रकार चांगलाच चर्चेत आला आहे.

याबाबतची माहिती अशी, येथील विक्रम नाना डकरे (वय ३६) हे आज सकाळी नागेश्वर मंदीर परिसराकडील शेताकडे वैरणीसाठी गेले होते. तिथे आदेश संभाजी ढोकरे या दोघांच्यात जमीनीची हद्द व वैरणीवरुन वादावादी झाली. आदेशवर धावुन गेलेल्या विक्रमच्याच हातातील विळा काढुन घेत त्याच्या हातावर, पायावर व कमरेजवळ वार केले. यात विक्रम यांच्या हाताची दोन बोटे तुटली.

 त्यामुळे त्यांना उपचारासाठी १०८ अँम्ब्युलन्समधून कोल्हापुरला नेण्यात आले. याची शाहुपूरी पोलीस ठाण्यात नोंद झाली आहे. ढोकरे व डकरे यांच्यात वारंवार शेतजमीनीवरुन वाद होत असतात.

हे पण वाचा -  मोठी बातमी - कोल्हापुरात आता होणार मोफत स्वॅब तपासणी

इथून पाच किलोमीटर अंतरावर असलेल्या कुरुकली येथे कालच वैरणीच्या कारणावरून एका युवकाचा खून झाला. हे प्रकरण ताजे असतानाच येथेही दोन युवकांमध्ये त्याच कारणावरून वाद झाला. याची चर्चा परिसरात सुरू आहे.

हे पण वाचा - धक्कादायक ; दोन रूग्णालयांच्या निष्काळजीपणात रूग्णाचा गेला प्राण

संपादन - धनाजी सुर्वे