कोल्हापूर : 14 वा वित्त आयोगाची जमा केलेली रक्कम ग्रामपंचायत ना परत करावी तसेच आर्सेनिक अल्बम औषध ग्रामपंचायतीला खरेदी करण्याची परवानगी द्यावी ,दलित वस्ती योजना व दिव्यांग खात्यावरील शिल्लक रक्कम ग्रामपंचायत कडून घेऊ नये व ही रक्कम दलित वस्ती योजना आणि दिव्यांग योजना यासाठी खर्च करण्यास परवानगी द्यावी आदी मागण्या आज सरपंच परिषद यांच्या वतीने करण्यात आल्या. जिल्हा परिषद आवारात आज आंदोलन करण्यात आले. यानंतर या मागण्या करण्यात आल्या.

यावेळी जिल्हा परिषद सदस्य शिवाजी मोरे, राजवर्धन निंबाळकर ,राणी पाटील ,राजू मगदूम ,प्रदीप झांबरे सागर माने आदी उपस्थित होते.

हेही वाचा- मोठी बातमी; कोल्हापूरमध्ये होणार मूसळधार पाऊस

निवेदनात केलेल्या मागण्या अशा,

लाईट बिल पूर्वीप्रमाणे शासनाने भरावे ,स्ट्रीट लाईट बिल ग्रामपंचायतीच्या परस्पर वित्त आयोग यामधून कपात करू नयेत तसेच ग्रामपंचायतीच्या थकबाकी बिलासाठी नवीन विद्युत जोडणी उभारणी कामासाठी अडथळा न करता विद्युत जोडणी करावी, ग्रामपंचायतीच्या नळ पाणीपुरवठा योजनेचे मोटर वीज बिल माफ करावे तसेच सदरची वीजबिल आकारणी मीटर ऐवजी एचपी प्रमाणे करावी, जिल्हा परिषद मुख्य कार्यालय व पंचायत समिती येथे सरपंच, उपसरपंच, सदस्य हे शासकीय कामासाठी येत असतात .त्यांच्यासाठी स्वतंत्र कक्ष स्थापन करावा.

हेही वाचा- पानसरे हत्या प्रकरणी 21 ऑगस्टला पुढील सुनावणी ; संशयितांना जामीन मिळणार की नाही?

मुदत संपणाऱ्या ग्रामपंचायतीसाठी सरपंच, उपसरपंच, सदस्य यांचे प्रशासक मंडळ तयार करून नेमण्यात यावेत. जिल्हा परिषद, नगरपालिका, महानगरपालिका सदस्याप्रमाणे सरपंचांना विशेष कार्यकारी अधिकारी पदाचा दर्जा मिळावा आदी मागण्या करण्यात आल्या.

संपादन - अर्चना बनगे