इचलकरंजी (जि. कोल्हापूर) : शहापूर येथे शाळेच्या मैदानावर धारदार शस्त्राने युवकाचा निर्घृण खून करण्यात आला. शुभम दिपक कुडाळकर (रा. मंगळवार पेठ, वय २६) असे खून युवकाचे नाव असल्याचे समजते.

 गॅंगवारमधून हा खून झाल्याची चर्चा घटनास्थळी होती. शहापूर भरवस्तीत हत्या झाल्यामुळे नागरिकांमध्ये भीतीचे वातावरण आहे. घटनास्थळी शहापूर पोलिस दाखल झाले आहेत. 

मिळालेली माहिती अशी, शुक्रवारी रात्री साडेआठच्या सुमारास विशाल विद्यालयाच्या मैदानात जवळील मार्गावरून एक व्यक्ती आपल्या घरातील रुग्णाला जेवणाचा डबा देण्यासाठी जात होती. या व्यक्तीला गाडीच्या प्रकाशासमोर  एक रक्तबंबाळ झालेला तरुण पडलेला दिसून आला. त्यानंतर या व्यक्तीने त्वरित पोलिसांना ही माहिती   कळवली. त्यानंतर पोलिस घटनास्थळी दाखल झाले. घटनास्थळी नागरिकांनी मोठी गर्दी केली होती. 

हे पण वाचा - ब्रेकिंग- नऊ कोटी चोरी प्रकरणातील सुत्रधार मोहिद्दीन मुल्लाचा निर्घृण खून

इचलकरंजी शहरांत खुनी हल्ल्याचे सत्र सुरूच आहे. चार दिवसापूर्वी एका युवकाची धारदार शस्त्राने केली होती. त्यापाठोपाठ आज शहापूरमध्ये एका युवकाची हत्या झाली आहे. पाठोपाठ दोन खूनाच्या घटाना घडल्यामुळे शहर हादरले आहे. 

हे पण वाचा - धक्कादाय : मिरजेत अल्पवयीन मुलीवर अत्याचार; भावाला मारण्याची दिली धमकी

संपादन - धनाजी सुर्वे