पट्टणकोडोली (कोल्हापूर) - संपूर्ण देश कोरोणापासून बचावाच्या प्रयत्नात असताना पट्टणकोडोली ग्रामपंचायतीचे सदस्य मात्र उपसरपंच बदलाच्या गडबडीत असल्याने ग्रामस्थांतून तिव्र नाराजी व्यक्त होत आहे.
 

कोरोनामुळे देश लाॅकडाऊन आहे. सर्व शासकीय कारभार थांबला आहे. निवडणूक विभागाने सर्व प्रकारच्या निवडणुका पुढे ढकलल्या आहेत.पंतप्रधानांपासून स्थानीक स्वराज्य संस्थेच्या पदाधिकार्‍यांपर्यंत सारेजण आपला देश, गाव, आपला भाग कोरोनापासून कसा वाचेल याकडे लक्ष देवून आहेत. लोकांना हाथ जोडून विनंती करण्यापासून कठोर कायदेशीर कारवाई करण्यापर्यंतच्या भूमिका मांडून लोकांना घरात बसण्यास सांगत आहेत. 
पट्टणकोडोली ग्रामपंचातीचे पदाधिकारीही काही अशाचपद्धतीने काम करताना गावात दिसत आहेत. मात्र, मोजक्या काही सदस्यांनी उपसरपंच बदलासाठी हालचाली गतिमान केल्या आहेत. 

हे पण वाचा - दिलासादायक बातमी : त्या तरूणाचा अहवाल निगेटीव्ह ; कोरोनाबाधित महिलेसोबत केला होता प्रवास 

उपसरपंच सुरेश भोजे यांचा कार्यकाल संपल्यानंतर त्यांनी उपजिल्हा प्रमूखांकडे आपला राजीनामा सुपुर्द केला. मात्र चांगल्या कामामुळे त्यांना थोडी वाढिव संधी देण्यात आली होती. ती संधी संपते तोपर्यंतच कोरोनाच्या महामारीने देशच लाॅकडाऊन झाला. सर्व शासकीय कामे थांबली. य‍ामुळे भोजे यांच्या राजीनाम्यासाठी ग्रामपंचायतीची सभा घेता येणे शक्य नाही. या गोष्टिंची कल्पना असत‍ानाही उपसरपंच भोजे यांच्याकडे काही सदस्य राजीनाम्याची मागणी करित आहेत. 

गावाच्या सुरक्षेवर अधिकाअधिक लक्ष देणे गरजेचे असताना सदस्यांच्या सत्ता लालसेमुळे ग्रामस्थांतून नाराजी व्यक्त होत आहे. 

हे पण वाचा -  घराशेजारी ७६६ जण कोरोनाग्रस्त; किड्यामुंग्याप्रमाणे लोक मरत आहेत

पाच पेक्षा जास्त लोक एकत्र न येणे बंधनकारक असल्याने राजीनाम्यासाठी बैठक घेणे शक्य नाही. यामुळे उपसरपंच बदलणे सद्यःस्थितीत अशक्य बाब आहे. 

-सिध्दनाळे, ग्रामविकास अधिकारी
 
आज घडीला कोरोनापासून गावाला वाचवणे गरजेचे आहे. यासाठी आम्ही सर्वच पदाधिकारी जिवाचे राण करत आहोत. मात्र यातील काही सदस्य राजीनामा मागत आहेत. तो मंजूर होनेही शक्य नाही तसेच मी राजीनामा दिला तर गावकरी मला माफ करणार नाहीत. त्यामुळे सदस्य सहकार्‍यांनी मला साथ देण्याची भूमिका करावी.

 - सुरेश भोजे, उपसरपंच