सांगली : कोरोनामुळे मृत्यू झालेल्या  त्या सहायक पोलिस निरीक्षकाच्या पत्नी व मुलीलाही कोरोनाची लागण झाली आहे. त्यांच्यावर अंधेरी येथे उपचार सुरू आहेत.

शनिवारी १५ मे रोजी कोरोनामुळे शाहूनगर पोलिस ठाणे(मुंबई) येथे कार्यरत असणाऱ्या सहायक पोलिस निरीक्षकांचा कोरोनामुळे मृत्यू झाला होता. त्यांच्या मृत्यूनंतर कोरोना चाचणी अहवाल  पॉझिटिव्ह असल्याचा अहवाल प्राप्त झाला होता. ते घरीच असल्याने त्यांच्या संपर्कात आलेल्या त्यांच्या पत्नी व मुलीची कोरोना चाचणी घेण्यात आली. त्यात त्यांचाही  कोरोना चाचणी अहवाल  पॉझिटिव्ह आला आहे. त्या दोघींना अंधेरी येथे उपचारासाठी दाखल करण्यात आले आहे.

हे पण वाचा - एका बापाची चटका लावणारी अखेर...! आता त्या मुलाचे काय होणार...?

संबंधीत अधिकार्याच्या संपर्कात आलेल्या पोलीस सहकारी व इतर लोकांची तपासणी करण्यात येणार आहे. त्या अधिकाऱ्याचा मृत्यू, त्यानंतर त्यांच्या पत्नी व मुलीचा कोरोना पॉझिटिव्ह असलेला अहवाल यामुळे पोलीस प्रशासनात चिंतेचे वातावरण आहे. या शाहूनगर  पोलीस ठाण्यात आठ जणांना कोरोनाची लागण झाली होती. त्यात संबंधित अधिकाऱ्याचाही समावेश होता. त्यांच्या मृत्यू बद्दल हळहळ व्यक्त होत आहे. या कोरोनच्या संकटातून त्यांच्या पत्नी व मुलीची लवकर सुटका व्हावी अशी प्रार्थना केली जात आहे.

हे पण वाचा -  मदत करणाऱ्यां सरपंचावरच केला हल्ला : परप्रांतीय कामगारांनी माजवली दहशत