इचलकरंजी : येथील पालिकेत सेवा निवृत्त कर्मचा-यांने पेट्रोल अंगावर ओतून घेवून आत्मदहनाचा प्रयत्न केला. यावेळी नगरसेवक विठ्ठल चोपडे यांच्यासह चौघांनी तत्परता दाखवत धाव घेत त्याला वाचवले आहे. (crimenews) पालिकेकडून पेन्शनसह अन्य रक्कम मिळत नसल्यामुळे ते नैराश्य होते. यातून त्यांनी आत्मदहनाचा प्रयत्न केल्याचे सांगण्यात आले. त्याला शिवाजीनगर पोलिसांनी ताब्यात घेतले आहे. (crime case in ichalkaranji)

गेल्या पाच- सहा महिन्यांपूर्वी लंगोटे हे पालिका सेवेतून निवृत्त झाले आहेत. (crimecase) मात्र त्यांनी पेन्शनसह वैद्यकीय बिलांची रक्कम मिळालेली नाही. त्यातच त्यांना आजारपणासाठी पैशाची गरज भासत होती. (kolhapur udpate) यातून आज ते दुपारी पालिकेत आले. दुस-या मजल्यावरील विरोधी पक्ष कार्यालयासमोर त्यांनी बाटलीतून आणलेले पेट्रोल अंगावर ओतून घेतले. हा प्रकार उपस्थीत नागरीकांच्या लक्षात आल्यानंतर नगरसेवक चोपडे यांच्यासह रणजीत शिंगाडे, युवराज शिंगाडे, विजय रवंदे यांनी धाव घेतली.

लंगोटे यांच्याकडील काडेपेटी काढून घेतली व थेट नळाजवळ घेवून जावून पाण्याचा मारा केला. या थरारक घटनेमुळे पालिकेत गोंधळाची परिस्थीती निर्माण झाली होती. प्रशासन पातळीवर हालचाली गतीमान झाल्या असून पेन्शनसह अन्य रक्कम दोन-चार दिवसात देण्याबाबत कार्यवाही सुरू होती. दरम्यान, लंगोटे याला पुढील कार्यवाहीसाठी शिवाजीनगर पोलिसांनी ताब्यात घेतले आहे.