कोडोली : दारूला पैसे न दिल्याने पत्नी सविता दीपक मोरे (वय ३९, रा. शेटे मळा कोडोली) यांना जबर मारहाण केल्याप्रकरणी पती दीपक रंगराव मोरे याच्या विरोधात कोडोली पोलिसांत गुन्हा नोंद झाला. (kodoli police) दीपक याचा मेहुणा सुधाकर शिवाजी चव्हाण (मु. पो. निमणी, नेहरूनगर, ता. तासगाव) यांनी पोलिसांत फिर्याद दिली आहे. (crime news)

पोलिसांकडून मिळालेली माहिती अशी, दीपक यास दारूचे व्यसन असून तो कामधंदा करीत नाही. पैशासाठी तो घरात वारंवार पत्नी व सासूशी भांडत होता. (kolhapur crime case) गुरुवारी मध्यरात्री पत्नी घरात दुसऱ्या मजल्यावर खोलीत झोपली असताना दीपकने दारूच्या नशेत पत्नी सविता हिला शिवीगाळ करत लाथाबुक्यांनी मारहाण करून तुला आता ठेवत नाही, तुला आता ठार मारतो असे म्हणून लोखंडी डंबेल्सने तोंडावर डोक्यात मारहाण केली. जखमी अवस्थेत तिला कोडोली उपजिल्हा रुग्णालयात हलवले असता कोल्हापूर येथे खासगी रुग्णालयात हलविले. पती दीपक यास कोडोली पोलिसांनी ताब्यात घेतले असून पुढील तपास पोलिस उपनिरीक्षक नरेंद्र पाटील करीत आहेत.