नागाव : कासारवाडी (ता. हातकणंगले) येथे वीज पडून शेतमजूर ठार (farmer dead) झाला. भरत संभाजी वाणी (वय ३५, मुळ गाव निर्मळवाडी, ता. वडवणी, जि. बीड, सध्या राहणार कासारवाडी) असे त्याचे नाव आहे. कासारवाडी (kasarwadi) येथील मंडलिक मळ्यात शेतात पाणी पाजत असताना सायंकाळी साडेपाच वाजता ही दुर्घटना घडली.

याबाबत घटनास्थळी मिळालेली माहिती अशी, कासारवाडी येथील शरद मंडलिक यांच्या शेतामध्ये (farming) भरत वाणी हे मजूरीचे काम करतात. उसाच्या शेतीला पाणी पाजत ते मुलासह लिंबाच्या झाडाखाली उभे होते. पाचच्या सुमारास वीजेच्या कडकडाटासह पावसाला (heavy rain) सुरुवात झाली. अचानक वीज शेताच्या कडेला असलेल्या लिंबाच्या झाडावरती पडली. यामध्ये भरत वाणी व त्यांची मुले करण आणि अर्जुन हे झाडाखाली उभे असल्याने यांच्या अंगावरती वीज कोसळली. यामध्ये भरत वाणी याचा जागीच मृत्यू झाला. तर मुलगा करण किरकोळ जखमी झाला. भरत हा पत्नी व दोन मुलांसह (child) गेल्या पाच वर्षांपासून कासारवाडीतील मंडलिक मळ्यात मजुर म्हणून काम करत होते. उसाच्या शेताला पाणी पाजत असल्याने पत्नीला दूध घालण्यासाठी पाठवले होते. त्यामुळे दोन्ही मुलांना जवळ घेऊन भरत शेतामध्ये पाणी पाजत होता. अचानक वीज कोसळल्याने त्यांचा जागीच दुर्देवी मृत्यू झाला घटनास्थळी त्यांच्या कुटुंबीयांचा आक्रोश हृदय हेलावून टाकणारा होता.