कोल्हापूर - कळंबा कारागृहातून पलायन केलेल्या कैद्यास शेंडा पार्क येथून अवघ्या अर्ध्या तासात पकडण्यात कळंबा मध्यवर्ती कारागृह प्रशासनाला यश आले. येथील निर्जन स्थळाचा आधार घेत तो शहराबाहेर पडण्याच्या प्रयत्नात होता. तोपर्यंत पोलिसांनी त्याला ताब्यात घेतले. या कारवाईत स्थानिक गुन्हे अन्वेषण शाखेची प्रशासनाला मदत झाली.
कळंबा कारागृहात शिक्षा भोगणारा कैदी दुपारी पळून गेला होता. कैदी पळाल्याचे वृत्त समजताच कारागृह प्रशासन व पोलिसांची तारांबळ उडाली होती. त्याच्या शोधासाठी जिल्ह्यात नाकाबंदी करण्यात आली होती.
कळंबा कारागृहात खूनाच्या गुन्ह्यात कैद्याला शिक्षा लागली आहे. त्याने आतापर्यंत 8 ते 9 वर्षे शिक्षा भोगली आहे. आपत्तकालीन कारागृहातील गेटचे तो काम करत होता. त्यावेळी असणाऱ्या कारागृह प्रशासनासह पोलिसांच्या हातवर तुरी देऊन तो तेथून निसटला होता. तो निदर्शनास येत नसल्याने त्याची शोधाशोध सुरू झाली. पण तो सापडत नसल्याने तो पळून गेल्याचे स्पष्ट झाले होते. तशी पोलिसांनी नाकाबंदी करून त्याचा शोध सुरू केला होता.
दरम्यान, गेल्या दीड महिन्यातील कैदी पळून जाण्याचा हा दुसरा प्रकार घडला. गेल्या महिन्यात खुनात शिक्षा भोगत असलेल्या एका कैद्याने पळ काढला होता. विशेष म्हणजे त्या कैद्याची शिक्षा संपत आली होती. तरही त्याने कारागृहातून पळ काढला होता. या कैद्याने कळंबा कारागृहातून नाट्यमय पलायन होते. लक्ष्मण वसंत धोत्रे असे त्याचे नाव होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.