कोल्हापूर : दिवाळीच्या पार्श्‍वभूमीवर शिरोळ तालुक्यातील ताकवडे, आकीवाट आणि मजरेवाडी येथे अन्न औषध प्रशासनाने आज छापे टाकून सुमारे १८ लाखांहून अधिक किंमतीचा भेसळयुक्त खवा, मिल्क पावडर जप्त केली.

अन्न व औषध प्रशासनाने दिलेल्या माहितीनुसार, ताकवडेतील शिवरत्न मिल्क अँड ॲग्रो प्रोडक्ट येथे धाड टाकून स्किम्ड मिल्क पावरड व व्हे पावडरचा मिश्रणासाठी वापर करून खवा उत्पादन व विक्री केली जात होती. येथे अन्नाचे नमुने घेऊन ७४ हजार ८९९ रुपये किंमतीचा ४९९ किलो भेसळयुक्त खवा, ९ लाख ६८ हजार ६२० रुपये ची ५ हजार ९८ किलो स्किम्ड मिल्क पावडर, ५ हजार १८४ ची ४८ किलो व्हे पावडर, ८८ हजार ८०४ चे मिश्रण असा ११ लाख ३७ हजार ४५८ रुपयांचा साठा जप्त केला.

अकिवाट येथील अमवा मिल्क अँड अँग्रो प्रोडक्ट येथे ९९ हजार ६०० रुपयेचा भेसळयुक्त खवा, मिल्क पावडरचा साठा हॉल मिल्क पावडरचा ३९८ किलो साठा, म्हशीचे १८ लिटर दूध असा ३ लाख ७० हजार ५७ रुपयांचा मुद्देमाल हस्तगत केला. मजरेवाडीतील गणेश मिल्क प्रोडक्टमधून ४३१ किलोचा खवा, बिनालेबलची पांढरी पावडर १९८ किलो असा २ लाख ९० हजार ३६० रुपयांचा मुद्देमाल हस्तगत केला. बालाजी मिल्क प्रोडक्ट येथे १९९८ किलोची व्हे पावडरही जप्त