कोल्हापूर : गोकुळमध्ये सत्ता येताच अवघ्या दोन दिवसात गृहराज्यमंत्री आणि कोल्हापूरचे पालकमंत्री सतेज पाटील (Satej Patil) यांनी गोकुळ दूध संघ (kolhapur Gokul Dudh Sangh) ऑक्सीजन प्लांट (Gokul Oxygen Pant) उभारण्याची मोठी घोषणा केली आहे. पालकमंत्री सतेज पाटील आणि ग्रामविकास मंत्री हसन मुश्रीफ यांनी आज नूतन संचालक मंडळाची बैठक घेतली. या बैठकीत हा महत्त्वपूर्ण निर्णय घेण्यात आला आहे. याचबरोबर शेतकऱ्यांना दुधाला लिटरमागे २ रुपये दरवाढ देण्याची घोषणाही त्यांनी केली.

Gokul DUdh Sangh Set Up Oxygen Plant Information By Satej Patil kolhapur covid 19 update marathi news

कोल्हापूरचे अपडेट जाणून घेण्यासाठी येथे क्लिक करा

पाटील म्हणाले, दोन महिन्याच्या कालावधीत दिलेली आश्वासने आम्ही पूर्ण करणार आहोत. यासाठी दोन रुपये दूध दरवाढ देण्यासाठी आमचे प्रयत्न सुरू आहेत. किमान दोन संचालक दररोज गोकुळच्या मुख्य कार्यालयातील दूध उत्पादकांना भेटतील असे ते म्हणाले.

हेही वाचा- Mission Oxygen: तिसऱ्या लाटेच्या फाईटसाठी कोल्हापुरात १४ ऑक्‍सिजन प्रकल्प

असा आहे अजेंडा

पुढे ते म्हणाले, मुंबईत गोकुळचा दबदबा वाढवणार आहोत. आता आमचा अजेंडा हाच असणार आहे. निवडणुकीत आश्वासन दिल्याप्रमाणे दूध उत्पादकांना दोन रुपये दरवाढ देण्याचे आमचे प्रयत्न सुरू झाले असून दोन महिन्यात दरवाढ होईल. आमच्या शब्दाला आम्ही कुठेही मागे पडणार नाही. आम्हाला थोडा वेळ द्या. हा दूध संघ मल्टीस्टेट च्या माध्यमातून कोणाच्याही घशात जाऊ देणार नाही. यासाठी आमचे प्रयत्न राहतील.

Gokul DUdh Sangh Set Up Oxygen Plant Information By Satej Patil kolhapur covid 19 update marathi news