बेळगाव - सोशल मीडियाच्या माध्यमातून हनीट्रॅपचा फास टाकण्याचा प्रकार अलीकडे वाढला आहे. फेसबुक, व्हॉट्‌सऍपसह इन्स्ट्राग्रामच्या माध्यमातून मैत्री करून प्रेमाचे नाटक केले जात आहे. त्यासाठी तरुणांनी सतर्क होण्याची गरज आहे. हायप्रोफाईल हनीट्रॅप जाळ्यात आडकणे धोक्‍याचे ठरु शकते. 

अलीकडे बेळगाव व उत्तर कर्नाटकातील विविध भागातील युवकांना फेसबुकवर मुलींची प्रोफाईल असलेल्या फेसबुक अकौंटवरून फ्रेंड रिक्वेस्ट पाठवली जात आहे. फ्रेंड रिक्वेस्ट स्वीकारताच मेसेंजरच्या माध्यमातून "हाय', "हाऊ आर यू फ्रेंड" किंवा गुड मॉर्निंग अशा स्वरुपाचे मेसेज येतात. स्वाभाविकपणे तरुण त्याला प्रतिसाद देण्याचा प्रयत्न करतात. नेमके येथेच फसगत सुरु होते. "मुझसे दोस्ती करोगे'चे नाटक करत तरुणांना जाळ्यात ओढण्यास सुरु होते. पूर्ण नाव, पत्ता आणि प्रोफेशनची माहिती घेतल्यानंतर व्हॉट्‌स ऍप नंबर घेऊन त्याद्वारे चाटिंग सुरु केली जाते. त्यातून अश्‍लिल प्रकारासह फसविण्यात येत आहे. या स्वरुपाच्या जाळ्यात अलीकडे काही युवक पडून आर्थिक नुकसान करून घेतले आहे. मानहानीला घाबरून तक्रार केली जात नाही. हेच हेरून ब्लॅकमेलिंग वा पैसे उकळण्याचे धंदे सुरु आहेत. 

हे पण वाचा -  गुंगीचे औषध देऊन लातूर प्रवाशांना लुटले

याबाबत पोलिसांनी दिलेली माहिती आणि काहींनी याबाबत सांगितले की, फेसबुकवर सुंदर मुलींचे बनावट अकाऊंट तयार केली जातात. त्याद्वारे ज्या युवकाला फ्रेंड रिक्वेस्ट पाठवायची आहे, यात स्वतःची ओळख परिसरामधील आहे, असे भासविले जाते. सोशल मिडियाचे अनेक फायदे असले तरी तोटेही आहेत. त्यापैकी एक हा प्रकार पुढे आला आहे. यामुळे पालकांसह तरुणांनी काळजी घेण्याची गरज आहे. 

संपादन - धनाजी सुर्वे