कागल (कोल्हापूर) : येथील मटकरी हॉल मंगल कार्यालयात लग्नसोहळ्यासाठी २०० हून अधिक माणसे जमविल्याप्रकरणी प्रांताधिकारी प्रसेनजित प्रधान यांनी कारवाई केली आहे. मंगल कार्यालय चालकाला १० हजार दंड ठोठावलाच शिवाय वधू-वरासह जमलेल्या १४२ लोकांचे स्वॅब तपासणीसाठी गेतले. आज दुपारी साडेबारा वाजता ही कारवाई केली.
येथील सांगाव रोडवरील मटकारी हॉलमध्ये एका विवाह सोहळा सुरू होता. सोहळ्याला २०० हून अधिक नातेवाईक आणि मित्र परिवार हजर होते. या वेळी प्रांताधिकारी प्रधान, तहसीलदार शिल्पा ठोकडे आणि गटविकास अधिकारी सुशिल संसारे रणदिवेवाडीला चालले होते. कार्यालयासमोरून जाताना अनेक वाहने दिसली. त्यांनी मंगल कार्यालयात भेट दिली असता लग्नकार्यासाठी २०० हून अधिक लोक जमल्याचे आढळले. ५० पेक्षा अधिक लोक जमल्याने प्रधान यांनी मंगल कार्यालय चालकाला १० हजार रुपयांचा दंड केला.
कार्यासाठी उपस्थित वधूवरासह १४२ लोकांचे स्वॅब घेतले. ज्यांनी लसीचे दोन डोस घेतले आहेत व ज्यांचा कोरोना निगेटिव्ह आहे अशांना वगळले. संकलित केलेले स्वॅब सीपीअर रुग्णालयात पाठविले. दरम्यान पालिकेचे आरोग्य निरीक्षक नितीन कांबळे यांच्याशी संपर्क साधला असता, लग्नसोहळ्यासाठी पालिकेची परवानगी घेतली नसल्याचे सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.