कोल्हापूर : कोव्हिड कचरा (बायोमेडिकल वेस्ट ) रस्त्यावर उघडयावर ठेवल्याबददल महापालिकेच्या पथकाने येथील सुर्या हॉस्पिटलवर पाच हजार रुपयांच्या दंडाची कारवाई केली आहे.
येथील सुर्या हॉस्पिटलने कोव्हिड कचरा (बायोमेडिकल वेस्ट ) रस्त्यावर आणून उघडयावर ठेवला असल्याची ऑनलाईन माहिती महापौर सौ. निलोफर आजरेकर यांना मिळाली, त्यानुसार महापौर सौ. निलोफर आजरेकर यांनी तात्काळ महानगरपालिकेच्या पथकाला पाहणी करुन कारवाई करण्याचे निर्देश दिले. त्यानुसार ही कारवाई झाली.
शहरातील सर्वच हॉस्पिटलनी त्यांच्याकडील कोव्हिड कचऱ्याची (बायोमेडिकल वेस्ट ) योग्य पध्दतीने विल्हेवाट लावण्याची कार्यवाही करणे बंधनकारक असतांना कोव्हिड कचऱ्यांच्या बाबतीत निष्काळजीपणा करुन कोव्हिड कचरा रस्त्यावर उघडयावर ठेवणे ही बाब अतिशय गंभीर असून यापुढे सर्वच हॉस्पिटलनी महाराष्ट प्रदुषण नियंत्रण मंडळाच्या मार्गदर्शक सूचनाची काटेकोरपणे अंमलबजावणी करावी, असे आवाहनही महापौर सौ. निलोफर आजरेकर यांनी केले आहे.
शहरातील व्यापाऱ्यांनी तसेच दुकानदारांनी नेहमी मास्कचा वापर करण्याबरोबरच विना मास्क येणाऱ्या तसेच सोशल डिस्टन्सींगचा अवलंब न करणाऱ्या ग्राहकांना वस्तु देऊ नयेत, अशी सूचनाही महापौर सौ. निलोफर आजरेकर यांनी केली. तसेच सायंकाळी 7 नंतर व्यापाऱ्यांनी तसेच दुकानदारांनी दुकान सुरु ठेऊ नये, अशी सूचनाही त्यांनी केली. शहरातील कोरोनाचा वाढता प्रादुर्भाव रोखण्यासाठी नागरीकांनी नेहमी मास्क वापरणे, सोशल डिस्टन्सिगचे पालन करणे, वारंवार हात साबनाने धुणे, कोठेही न थुंकणे यांची खबरदारी घेणे काळाची गरज असल्याचेही महापौर सौ. निलोफर आजरेकर यांनी स्पष्ट केले.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.