कोल्हापूर - ठाकरे सरकारकडे घोटाळे करण्याच्या वेगवेगळ्या कला आहेत. घोटाळे करण्यासाठी मुख्यमंत्री ठाकरे (CM Uddhav Thackeray) आणि शरद पवार (Sharad Pawar) दरवेळी वेगळी कला शोधून काढतता, ही कला प्रत्येकवेळी डेव्हलप केली जाते, घोटाळे करायचे पण वेगवेगळ्या पद्धतीने करायचे, असा हल्लाबोल भाजपाचे किरीट सोमय्या यांनी (kirit Somaiya) केला आहे. आज ते कोल्हापूर दौऱ्यावर आहेत. यावेळी पत्रकार परिषदेत ते बोलत होते.

यावेळी त्यांनी मश्रीफांच्या (Hasan Mushrif) घोटाळ्यासंदर्भात भाष्य केले. ते म्हणाले, मागेच मी एक गोष्ट सांगितली होते, मश्रीफांच्या मुलाच्या खात्यात जी कंपनी बंद झाली अशा कंपनीच्या नावाने बँक अकाउंट उघडले गेले आहे. त्याचे पैसेही त्यांच्या मुलाच्या हातात आले आहेत. याशिवाय त्यांनी स्वतःच्या ग्रामविकास खात्याचे टेंडर स्वतःच्याच जावयाच्या कंपनीला दिले आहे. ठाकरे सरकारच्या अशा अनेक घोटाळे करण्याच्या कला अमर्यादित आहेत. जी कंपनी अस्तित्वातच नाही त्या कंपनीतून पैसे आले कसे असा सवाल ही त्यांनी केला आहे. दरवेळी ते वेगवेगळ्या कला शोधून काढतात. घोटाळ्यांबाबत मुरगुड येथील पोलिस अधिकाऱ्यांना स्पष्ट शब्दांत कायदेशीर पुरावे दिले आहेत. बाकीचेही देणार असल्याचेही त्यांनी स्पष्ट केले आहे.