कोल्हापूर : विधानसभेच्या कोल्हापूर उत्तर मतदार संघातील पोटनिवडणूकीसाठी आज सकाळी 7 पासून मतदानाला सुरुवात झाली. दरम्यान, निवृत्ती चौकात भगवे छत लावण्यावरून पोलिस आणि कार्यकर्त्यांमध्ये वादावादी झाली. यावर पोलिसांनी भगवे छत न लावता केवळ बुथ लावाला जावा असे आवाहन केले आहे.
विधानसभेच्या कोल्हापूर उत्तर पोटनिवडणूकीसाठी कसबा बावडा, मुक्तसैनिक वसाहत, विचारे माळ, शिवाजीपेठ, कदमवाडी, जाधववाडी परिसरातील मतदान केंद्रावर मतदानासाठी गर्दी होत आहे. तर, इतर ठिकाणी मतदान केंद्रावर मतदारांची गर्दी कमी दिसत आहे. तोरस्कर चौक येथे पोलिसांनी बुथवर भगव्या आणि हिरव्या रंगाचा उभारलेला तंबू काढण्यास कार्यकर्त्यांना भाग पाडले. त्यामुळे काही काळ वातावरण तणावपूर्ण झाले. मंगळवारपेठ येथे भाजपा बुथ लावायचा नाही, अशी भूमिका घेत महाविकास आघाडीच्या कार्यकर्त्यांनी भाजप कार्यकर्त्यांना विरोध केला. त्यामुळे वातावरण तणाव पूर्ण झाले. पोलीसांनी यामध्ये हस्तक्षेप करुन वाद मिटवण्याचा प्रयत्न केला.
नागाळापार्क, ताराबाई पार्क, ईस्टर पॅर्टन येथे मतदानासाठी अल्प प्रतिसाद मिळत आहे. उमेदवारांचे कार्यकर्ते या ठिकाणी लोकांना मतदान करण्याचे आवाहन करत आहेत. जिल्हा प्रशासनाने मतदानासाठी दोन तास सुट्टी घेण्याची मुभा दिली आहे. याचा लाभ घेवून मतदान करावे, असे आवाहन जिल्हा प्रशासनाने केले आहे.
आतापर्यंत ६.९६ टक्के मतदान
दरम्यान, आतापर्यंत ६.९६ टक्के मतदान झाले आहे. आज सकाळी ७ ते ९ पर्यंत २ लाख ९१ हजार ७९८ मतदारांपैकी १२१८७ पुरुष व ८१२४ महिला मतदारांनी मतदान केले. सकाळी ९ पर्यंत ६.९६ टक्के मतदान झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.