कोल्हापूरात गेल्या काही दिवसांपासून मुसळधार पाऊस सुरू आहे. यामुळे जिल्ह्यातील जनजीवन विस्कळीत झाले आहे. संभाव्य पुराचा धोका लक्षात घेता प्रशासनाने नागरिकांचे स्थलांतर सुरू केले आहे.
दरम्यान पंचगंगा नदीवरील राजाराम बंधाऱ्यावरील पाण्याची पातळी आता 47 फुटांवर पोहचल्याने कोल्हापूर महानगर पालिकेने नागरिकांच्या सुरक्षतेसाठी हेल्पलाइन क्रमांक जारी केले आहेत.
दरम्यान महानगरपालिकेने नागरिकांना कोणती अडणच आल्यास हेल्पलाइन क्रमांकावर फोन करून मतद मागण्याचे आवाहन केले आहे.
आपत्ती व्यवस्थापन कक्ष, कोल्हापूर महानगरपालिका
संपर्क: 0231-2541188 आणि 8956412103
मुख्य नियंत्रण कक्ष, अग्निशमन दल
संपर्क: 0231-2537221 आणि 8956412102
सततच्या पावसामुळे कोल्हापूर जिल्ह्यात अनेक ठिकाणी जनजीवन विस्कळीत झाले आहे. अशात प्रशासनाने पुरग्रस्त भागात भेटी आणि मदतकार्य सुरू केल्याची माहीती जिल्हाधिकारी अमोल येडगे यांनी दिली.
दुसरीकडे कोल्हापूर महानगरपालिकेच्या आयुक्त के. मंजुलक्ष्मी यांनी काल रात्री पुरग्रस्त भागात भेट देत परिस्थितीची पाहणी केली. त्याचबरोबर मदतकार्याचा आढावा घेत नागरिकांना सुरक्षितस्थळी हलवण्याचे आदेश दिले.
दरम्यान पालकमंत्री हसन मुश्रीफ यांनीही कोल्हापूर शहरातील सुतारवाडा, कुंभारगल्ली, जामदार क्लब येथील पुरबाधित भागातील चित्रदुर्ग मठ निवारागृहाला भेट दिली.
यावेळी त्यांनी स्थानिक नागरिकांशी संवाद साधून पुरस्थितीबाबतची माहिती जाणून घेतली. नागरिकांनी घाबरून न जाता प्रशासनाला सहकार्य करण्याचे आवाहन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.