kolhapur hatkanangale Cheap grain shop license revocation report 
कोल्हापूर

कोल्हापूर ; हातकणंगलेतील 'त्या' स्वस्त धान्य दुकानाच्या परवाना रद्दचा अहवाल

सकाळ वृत्तसेवा

हातकणंगले - लॉकडाऊनच्या काळात बिगर रेशनकार्ड धारकांना मोफत वाटपासाठी आलेल्या हजारो किलो धान्याची हातकणंगलेतील काही लोकप्रतिनिधींनी परस्पर विल्हेवाट लावल्याचा धक्कादायक प्रकार उघडकीस आला होता. या प्रकरणी नगरसेवकांच्या दबावाला बळी पडत चुकीच्या पद्धतीने धान्य वाटप केल्याचा ठपका ठेवत सबंधित स्वस्त धान्य दुकानाचा परवानाच रद्द करण्याचा अहवाल तालुका पुरवठा विभागाने जिल्हा पुरवठा कार्यालयांकडे पाठवला आहे. 

याबाबतचे वृत्त २२ ऑगस्ट रोजी दै. सकाळमधून प्रसिद्ध झाले होते. दरम्यान, त्या लोकप्रतिनिधींवर काय कारवाई होणार याकडे नागरिकांचे लक्ष लागले आहे.

कोरोनाच्या पाश्र्वभूमीवर रेशनकार्ड ऩसलेले नागरिक रेशनकार्डाअभावी धान्यापासून वंचित राहू नयेत यासाठी शासनाने आत्मनिर्भर योजनेअंतर्गत मे आणि जून दोन महिन्यांसाठी माणसी प्रतिमहिना पाच कलो तांदूळ मोफत देण्याची योजना जाहीर केली होती. यासाठी हातकणंगले नगरपंचायतीने ६७७  बिगर कार्डधारकांची यादी शासनाकडे सादर केली.

त्यानुसार शासनाने एका स्वस्त धान्य दुकानाकडे सहा हजार सातशे सत्तर किलो तांदूळ वाटपासाठी पाठवले. मात्र येथील काही नगरसेवकांनी हे धान्य आपल्या ताब्यात घेऊन परस्पर वाटप केले. त्यामुळे अनेक मूळ लाभार्थी यापासून वंचित राहीले. या प्रकाराची गेले काही दिवस शहरांत दबक्या आवाजात चर्चा सुरू होती. मात्र सकाळने याला वाचा फोडली.

त्यानंतर तहसीलदारांनी या संपूर्ण प्रकरणाच्या चौकशीचे आदेश दिले. त्यानुसार तालुका पुरवठा अधिकारी संजय पुजारी यांनी पाच जणांचे जबाब नोंदवले. यात संबधित धान्य दुकानदार सकृतदर्शनी दोषी आढळल्याने त्या धान्य दुकानाचा परवाना रद्द करण्याची शिफारस केली आहे.

याबाबत एका सामाजिक कार्यकर्त्याने जिल्हाधिकाऱ्यांकडे तक्रार केली आहे. मात्र गेल्या दोन- तीन दिवसांपासून त्याच्यावर काही राजकिय मंडळीकडून तक्रार मागे घेण्यासाठी दबावतंत्राचा वापर सुरू असून याची जोरदार चर्चा सुरू आहे.

संपादन - धनाजी सुर्वे 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

World Record Internet Speed: इंटरनेट स्पीडचा वर्ल्ड रेकॉर्ड! 10,000 पेक्षा जास्त 4K सिनेमे एका क्षणात झाले डाउनलोड, कुठे घडला हा चमत्कार?

Hinjewadi Electric Supply : हिंजवडीतील वीजपुरवठा ७२ तासांनी पूर्वपदावर; नागरिकांकडून सुटकेचा निःश्वास

Latest Marathi News Updates : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Valhe News : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Video: बापरे! प्रार्थना बेहरेच्या पायाला गंभीर दुखापत, व्हिडिओ शेअर करत म्हणाली...'तुमच्या आशिर्वादाची...'

SCROLL FOR NEXT