जोतिबा डोंगर (कोल्हापूर) : श्री क्षेत्र जोतिबा डोंगर येथे कोरोनाच्या पार्श्‍वभूमीवर दख्खनचा राजा जोतिबा देवाचा नवरात्रोत्सव यंदा भाविकांविनाच साजरा होणार आहे. जोतिबा मंदिरात नवरात्रोत्सव काळातील सर्व धार्मिक विधी मोजक्‍याच लोकांच्या उपस्थितीत होणार असले तरी दरवर्षीप्रमाणेच नवरात्रोत्सव पारंपरिक पद्धतीने होणार आहेत. नवरात्रोत्सवातील जोतिबा देवाच्या दररोजच्या सोहन कमळ पुष्प रूपातील सांलकृत पूजा, धुपारती व इतर धार्मिक विधी नेहमीप्रमाणे होणार असल्याची माहिती पश्‍चिम महाराष्ट्र देवस्थान समितीचे अधीक्षक महादेव दिंडे यांनी दिली .
दरम्यान,जोतिबा डोंगरावर'दरवर्षीप्रमाणे यंदाही नवरात्रोत्सवाची तयारी केली जात आहे. मंदिराची स्वच्छता, रंगरंगोटीसोबत मंदिराला विद्युत रोषणाईही केली जाणार आहे. मोजक्‍याच लोकांच्या उपस्थितीत धार्मिक विधी केले जातील. दरवर्षी नवरात्रोत्सवात रोज हाजारो भाविक जोतिबा देवाचे दर्शन घेतात. पण यंदा कोरोनाचा संसर्ग टाळण्यासाठी शासनाने जाहीर केलेल्या नियमांप्रमाणे भाविकांना मंदिरात प्रवेश दिला जाणार नाही. उद्या ( ता. १२ )जोतिबा डोंगरावर सर्व मंदिरे शिखरे गाभारे व देवपूजेसाठी वापरल्या जाणाऱ्या साहीत्याची स्वच्छता केली जाणार आहे . तसेच येत्या शनिवारी ( ता. १७ ) मंदिरात ढोल पिपनी सनई यांच्या गजरात घटस्थापनेचा विधी होईल.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.